Saray Pakabat
◼ Opresin literatura parad Enero: Nankakasakey ed Panagdayew Diad Alenleneg a Tuan Dios odino dinanman ya arum nin daan a 192-pahinan libro. No anggapo iraya, nayarin iyopresi so libron Pikakabat. Pebrero: Say libron Liket ed Pamilya. Marso: Pikakabat a Mangitonton ed Andi-Anggaan a Bilay. Abril tan Mayo: Indibidual iran kopya na Say Panag-Bantayan tan Awake! Iyopresi so brosyur a Kakaukolanen ed interesadon totoo, tan panggunaetan ya igapo so panangiyaral na Biblia. IMANOEN: Saray kongregasyon ya agni nanpedido ed asaglawi ed tagey a kampanyan uusaren so nepeg a manggawa ed satan ed ontumbok a binulan a Literature Order Form (S-AB-14) da.
◼ Saray kongregasyon so nepeg a manggawa na saray uksoyan ed panselebra na Memoryal ed sayan taon no Mierkoles, Abril 19, 2000, kaselek na agew. Anggaman say paliwawa so nayarin onggapon masasakbay, say pangipasa ed saray emblema ed Memoryal so nepeg ya ag-onggapo anggad kaselek na agew. Anggaman pilalek na balang kongregasyon so panselebra ed dili ran Memoryal, saya so aliwan naynay a posibli. Diad pigaran kongregasyon a gendat a manguusar ed parehon Kingdom Hall, nayarin say sakey odino onsulok ni a kongregasyon so makapangusar ed arum a pasilidad parad satan a labi.
◼ Say espisyal a publikon paliwawa parad 2000 a panaoy Memoryal so ipaliwawa sano Simba, Abril 16. Apauloan itan na “No Akin a Nakaukolan na Katooan so Dondon.” Niiter a masasakbay so sakey ya outline parad espiker. Saramay kongregasyon a bisitaen na manangasikaso na sirkito, walaan na sirkiton asamblea odino espisyal ya agew ya asamblea ed satan a sampot-simba so nawalaan na espisyal a paliwawa ed ontumbok a simba. Anggapo so kongregasyon a nawalaan na espisyal a paliwawa sakbay na Abril 16, 2000.
◼ Lapud say Abril tan Mayo so espisyal iran bulan na panagmagasin tan dakel so man-auxiliary payunir ed satan a panaon, nepeg a konsideraen la natan na manangasikaso na serbisyo tan say agin mangaasikaso ed saray magasin a mamedido na ekstra iran magasin ya usaren na kongregasyon. Ipangasin ipawit iray pedido yo ta pian onsabi iratan ed sangan opisina ya ag-onlagpas ed Pebrero 1, 2000. Saya so maneguron naawat yoray ekstran magasin a napibansag ed regular a pedido yo.
◼ Balon Publikasyon a Wala.
Sing Praises to Jehovah—Bicol, Hiligaynon, Pangasinan
Tract T-24 Jesus Christ—Who Is He?—Bicol, Cebuano, Hiligaynon, Iloko, Pangasinan, Samar-Leyte, Tagalog
The Guidance of God—Our Way to Paradise—Ingles (brosyur a nagkalalo lan denisinyo parad saray Muslim, a singa nisalaysay ed pahina 8 na Nobyembre 1999 a Ministeryo Tayo ed Panarian)