No dalepdepen tan apresyaen tayo iray bendisyon nen Jehova, nawalaan tayoy maapresyan puso tan napansiansia tayo itan. Ontulong itan pian nalabanan tayoy tendensian magmaliw ya agmaapresya tan pian nasarag tayo ray subok. Makatulong so teksto ed taon 2015 pian agtayo itan nalingwanan ed sayan interon taon.

▪ No Akin ya Nonodnonoten Tayo so Pangdem na Katawan

Ipalinew na sayan artikulo no akin ya nepeg tayon nodnonoten so impatey nen Jesus. Ipaliwawa na saya no antoy irerepresenta na tinapay tan alak ed Memoryal tan naaralan met no panon ya naamtaan na sakey no sikatoy manepeg ya mangan tan oninum na saray emblema. Naaralan tayo met dia no panon tayon niparaan so sarili tayo parad Pangdem na Katawan.

▪ Mangipaalagey na Malet tan Maliket a Panangasawa

▪ Abuloyan si Jehova ya Pabiskegen tan Protektaan Toy Panamaley Yo

Dakel so problema tan tukson aarapen na saray sanasawa. Balet diad tulong nen Jehova, posible so malet tan maliket ya panangasawa. Aralen tayo ed sayan artikulo so limaran paraan pian onelet tan agmangangga so panangasawa tan no antoy pinagkasemento ya mamaelet ed relasyon na sanasawa. Pantongtongan ed komaduan artikulo no panon ya napabiskeg na sanasawa so espiritual a depensa ra.

▪ Kasin Posible so Agmanganggan Panangaro?

Akin ya posible so tuan panangaro ed laki tan bii? Kasin posible so agmanganggan panangaro? Panon iyan nibalikas? Aralen tayod Kanta nen Solomon so nipaakar ed agmanganggan panangaro.

DIA MET ED SAYAN ISYU

3 Mabulbulos Dan Inyapay so Inkasikara—Diad New York

APIS: Manpupulong so sakey a brother a sankabembenan toy Biblia diad balibalin lugar na Grindelwald, ya sankanengneng so Bernese Alps

SWITZERLAND

POPULASYON

7,876,000

PUBLISHER

18,646

INMATENDID MEMORYAL (2013)

31,980