PANARALAN YA EDISYON

AARALEN IRAN ARTIKULO

▪ Manpakpel Ka—Walad Sika si Jehova!

Dakel so totoon asalambit ed Biblia ya walaay pananisia tan pakpel. No aralen tayoy eksperiensya na arum ed sikara, ombiskeg so pananisia tayo tan mas makpel tayon manlingkor ed si Jehova. Diad sayan artikulo et ipabitar so teksto ed taon 2013.

▪ Ag-abuloyan so Antokaman a Mangiyarawid Sika ed si Jehova

▪ Mantultuloy ya Onapit ed si Jehova

Dakel ed bilay tayo iray bengatlan agtayo napili, singa say magmaliw ya atateng, agagi, tan pasen a kianakan tayo. Balet sarag tayon pilien so onapit odino onarawi ed si Jehova. Pantongtongan ed sarayan artikulo so pitoran aspekto ed bilay ya agtayo nepeg ya abuloyan a mangiyarawid sikatayo ed si Jehova.

▪ Panaglingkor ya Anggapoy Pagbabawian

Walan walay bengatlan ginawa tayo ya no nayari et labay tayon pawilen tan umanen. Balet no manaburido tid saray apalabas ya lingo tayo, ompan agtila nagawaay sankaabigan a panaglingkor ed Dios. Diad sayan artikulo, naaralan tayo no panon a makatulong so alimbawa nen apostol Pablo.

▪ Saray Elder—‘Kakimeyan Tayo Pian Manliket Itayo’

Diad komaduan sulat nen Pablo ed Corinto, oniay imbaga to nipaakar ed sikato tan ed saray kakaiba to: “Kakimeyan yo kami pian manliket kayo.” (2 Cor. 1:24) Antoy naaralan na saray elder ed satan ya imbaga nen Pablo? Tan panon tayon napaseseg so balang sakey pian maliket so interon kongregasyon? Pantongtongan iraya ed sayan artikulo.