Panaralan ya Edisyon

GAGALA NA SARAY AARALEN YA ARTIKULO

AARALEN IRAN ARTIKULO 1, 2 PAHINA 3-12

Asingger lan nagawa iray importantin ebento. Pantongtongan tayo ed sarayan artikulo so samploran ebento a kaukolan tayon nodnonoten. Say limara et nipaakar ed kaderal na mundo nen Satanas tan say limara et nipaakar ed saray nagawa ed balon mundo.

AARALEN YA ARTIKULO 3 PAHINA 18-22

Pirpirawat tayo lay pangangga na sayan mauges a sistema pian onsabi lay insipan na Dios a Paraiso. Anggaman pigaran bulan odino dakel a taon kayo lan manaalagar, akin et kaukolan yoy mananos? Ontulong iyan artikulo ed sikatayo pian magmaliw a maanos.

AARALEN YA ARTIKULO 4 PAHINA 23-27

Labalabay na amin a totoo na Dios a mangangga la iyan mauges a sistema. Naaralan tayod sayan artikulo iray gunggona na agtayo pakaamtad eksakton agew odino oras na isabi anggaan.

AARALEN YA ARTIKULO 5 PAHINA 28-32

Saray kombension et abayag lan importantin kabiangan na dugan panagdayew. Naaralan tayod sayan artikulo iray alimbawa na saray makatantandan kombension nensaman tan diad modernon panaon tayo. Ipanonot na saratan ed sikatayo iray gunggonan naawat tayo diad iyatendi.