Panaralan ya Edisyon

GAGALA NA SARAY AARALEN YA ARTIKULO

AARALEN YA ARTIKULO 1 PAHINA 3-7

Diad anton duaran paraan impaamta nen Jesus so nipaakar ed Ama to diad saray disipulo to tan ed arum? Panon tayon naalig si Jesus diad pangipaamtad arum na nipaakar ed Ama? Tulongan itayo na sayan artikulo pian naebatan iratan a tepet.

AARALEN YA ARTIKULO 2 PAHINA 8-12

Kasmak lay ag-inkamatoor ed mundo natan, balet ag-itan aabuloyan a maneral ed deen tan pankakasakey na Kristianon pamilya tan kongregasyon. Naaralan tayod sayan artikulo no panon tayon napansiansiay katooran tayod Dios tan ed balang sakey.

AARALEN YA ARTIKULO 3 PAHINA 13-17

Panon tayon nipatnag a sigpot-puso tayon manlilingkor ed si Jehova? Kaukolan tayon salimbengan so puso tayo manlapud anto ran peligro? Tan antoy ontulong ed sikatayon makapantultuloy a manlingkor ed Dios a sigpot-puso? Naebatan iratan a tepet diad sayan artikulo.

AARALEN IRAN ARTIKULO 4, 5 PAHINA 22-31

Antis a manampot so “baleg a kairapan,” wala ni nagawan unor a panangataki ed totoo na Dios. (Mat. 24:21) Akin a makapanmatalek tayod panangiliktar nen Jehova? Panon to itayon tutulongan pian makapansiansian matoor anggad isabi anggaan? Naromog tayoy makapabiskeg na pananisian ebat diad sarayan artikulo.