Panaralan ya Edisyon

GAGALA NA SARAY AARALEN YA ARTIKULO

AARALEN IRAN ARTIKULO 1, 2 PAHINA 10-19

Lapud saray bangat na palson relihyon, minilyon a totoo so mantemeg odino nanaugip ed espiritual. Pantongtongan ed sayan duaran artikulo no panon a natulongan iray totoo ya onliing tan no akin a maganat tayon gawaen itan. Ontan met, no panon tayon napansiansiay inkaganatan, tan no antoy labay ya ibaga na pampulong a maganat?

AARALEN YA ARTIKULO 3 PAHINA 20-24

Insulat nen apostol Pedro ya saray alanaan a Kristiano et walaan na “agmanganggan ilalo.” (1 Ped. 1:3) Akin ya imbaga to itan, tan antoy pikonektaan na satan ed saray ‘arum a karnero’? (Juan 10:16) Tulongan ka na sayan artikulo a namoria no akin a nepeg mon panliketan tan pirawaten so kagawa na satan.

AARALEN YA ARTIKULO 4 PAHINA 25-29

Impasakbay nen Jesus: “Nodnonot yo so asawa nen Lot.” (Luc. 17:32) Antoy kabaliksan na sayan pasakbay? Naaralan tayod sayan artikulo no anto ray taloran bengatla a napangiyaplikaan tayod satan a pasakbay. Nengnengen no dinan ya aspekto ed bilay yo so mankaukolan na imano.