Espisyal a Diskurso Parad Publiko

Wala Kasi Tuan Relihyon ed Panmoria na Dios?

Dakel a totoo so mansiasiansia la ed abangonan dan relihyon. Saray arum balet et nansalat na relihyon da sanen baleg la ra. Talagan agaylay karakel na relihyon natan. Kanian nayarin oniay nitepet mo, ‘Importante ni kasi no antoy relihyon ko?’

Naebatan itan a tepet ed diskurson parad publiko a “Wala Kasi Tuan Relihyon ed Panmoria na Dios?” Sayan diskurso a base ed Biblia et ipaliwawa ed masulok a 230 a bansa diad interon mundo. Say maslak a pakagawaan na satan et diad Kingdom Hall na saray Tasi nen Jehova no Simba, Abril 26, 2009. Maliket iray Tasi a mangipaamta ed sika ed eksakton oras tan pasen. Labay da kan imbitaan ya onla.