Sakey ya Imbitasyon Parad Espisyal a Paliwawa

Nalikna yo so Kaligenan ed Sayan Magulon Mundo!

Sayan paliwawa a nibase ed Biblia so narengelan ed masulok a 230 bansa diad sankamundoan. Diad maslak a lugar et ipaliwawa iya no Simba, Abril 15, 2007. Anto iray naaralan yo ed sayan paliwawa? Imanoen pa iray onggendan:

Akin a binilyon a totoo ed interon mundo so agmakakalikna na kaligenan?

Kapigan ginmapo a naandi so kaligenan?

Iner tan panon a naromog so peteg a kaligenan?

Amtaen iray ebat diad iyatendi ed sayan importantin paliwawa a nibase ed Biblia a narengelan diad nanduruman pasen ed sankamundoan. Diad maslak a lugar et ipaliwawa iya diad Kingdom Hall na saray Tasi nen Jehova. Maliket iray Tasi diad lugar yo a mangipaamta ed sika no anton oras tan no iner so pakagawaan na saya. Labay mi kan imbitaan ed sayan nipanpanaon tan makapaseseg a paliwawan nibase’d Biblia.