Panon Yon Naprotektaan Iray Anak Yo?

KAYARI impan-eskuela ed eskuelaan diad lugar da ed loob na pigaran taon, nantultuloy nin nanaral si Wernera kaibay manga 3,000 niran tobonbalo ed São Paulo, Brazil. Saman so sankaunaan ya impaka-imaton to’d kapara toran estudyante a manlalako tan manguusar na druga. Lapud melag, ag-abayag et sikatoy biktimay panagleglemew tan mapeligron panamairap iran ritual na mas senyor iran estudyante.

Wala met iray problema na yugtan nen Werner, si Eva. Lapud labay ton gawaey sankaabigan to, sikatoy amaspasyan nanaral ya asagmak toy inka-burnout tan mental ya inkawetwet. Singa arum a katayatdang, kinaukolan di Werner tan Eva so pisikal tan emosyonal a proteksion. Anton klasen tulong so kaukolan na ananak yo? Panon yoran niparaan parad wala la’d edad a bilay? On, antoy kaliktan yon arapen parad ananak yo?

Mas ni Nakaukolan Da nen Say Sustinto

Nonoten pan magano so angat ya aarapen na atateng diad panprotekta ra’d ananak da natan. Lapud iyaabebay kualidad na bilay na pamilya tan ed ipapalaloy inkaduka, diad dakel a daldalin say bilay na ananak a manaayam ed saray karsada so ondaraak. Say kapipilitan a pantratrabaho na ugaw so resultay insaew a panprotekta’d saray kalangweran manlapud panag-anamot. Say panangabusoy druga so manederal met ed dakel a kalangweran. Alimbawa, sanen naadik ed druga so sakey a tin-edyer a taga-Brazil, naandipat so kareenan ed ayaman to. Likud ed emosyonal a pasakit ya asagmak na atateng to, wadtan so impantalikarkar pian gastosan so iyabig to, tan saray anggapoy panangabagey a managlakoy narkotiko so linma’d sikara a pababayaran.

Balet, anggaman ed desdes na bilay, dakel ya atateng so tuloytuloy a mangitatalikarkar pian taryaan so ananak da na aglambengat a tagano, kawesen, tan siruman noagta ontan met ed proteksion manlapud karawalan, panag-abuso ed druga, tan arum nin problema. Saya so makabat a panagsagpot, balet kasin susto la itan? Komusta met so pakaproteksion ed emosyonal tan espiritual a kasakitan? Dakel so makakamoria a say matalonan inaateng a panagtalima et lalaktipen toy pangarap ed saray angat a sasaglawien toy panagpili kakaaro tan panagligliwaan na ananak da. Ingen, panon a napaliisan na atateng so pagmaliw a sobran mapeget odino masyadon malukak? Imbitado kan mangonsidera ed saray ebat a naromog ed ontumbok ya artikulo.

[Paimano ed leksab]