Minilyon so Oonla—Kasin Onla Ka?

Iner so laen? Diad tinaon a panagngilin ed impatey nen Jesu-Kristo. Nen 1996 walay sankamundoan a dagup a 12,921,933 so inmatendi.

Akin ya onlaray totoo? Lapud kabaliksan na impatey nen Jesus ed sankatooan. Kabaliksan toy pakainawaan ed sakit, panirap, tan ipapatey. Anggan saray inad-aron inaatey so napaoli ed bilay diad sakey a dalin a nipawil a Paraiso.

Panon a makapangitarok na ontan iran bendisyon so impatey nen Jesu-Kristo? Imbitado ka’n onimaton. Abrasaen ka na Tastasi nen Jehova a mitipon ed sikara legan na satan ya importantin ebento.

Onatendi ed Kingdom Hall ya asingger ed ayaman mo. Say petsa ed sayan taon et Simba, Marso 23, kaselek na agew. Mitongtong ed Tastasi nen Jehova ed lugar mo parad eksakton oras.