Siopa so Natetel ed Bakal?

KASIN say Dios so natetel ed saray bakal ya akilabanan na katooan? “Andi, aglabay na Dios so bakal.” Ontan so impangebat nen Martin Niemöller, sakey a kabkabat ya Aleman a klero na Protestanti, ed sayan tepet kayarin tuloy na anggaan na Guerra Mundial II. Saray komento to so nipalapag nen 1946 ed sakey a libron tinawag ya Ach Gott vom Himmel sieh darein​—Sechs Predigten (O God, Look From Heaven​—Six Sermons).a Insalaysay na libro:

“Siopaman a labay ton tetelen so Dios lapud [saray bakal] so agmakaamta, odino agmalabay a mangamta, ed Salita na Dios. Siempre, duma lan pamaakaran no kasin sikatayon Kristianos et walaan odino anggapoy eebatan lapud tuloytuloy iran pambabakal. Tan agtayo maininomay a naliktaran iyan pamaakaran. . . . Nanonotan met a tuloy iray Kristianon iglesia, diad indalan na dakel a panaon, ya aminpigan nanboluntaryo ed panamendisyon ed saray bakal, tropa, tan armas tan sikaray nampikasi ed agmakakristianon tuloy a dalan parad kaderal na kakabusol da ed bakal. Amin na saya et kasalanan tayo tan kasalanan na atateng tayo, balet pihopihon aliwan say Dios so natetel. Tan sikatayoran Kristiano natan so kababaing ed imaton na natatawag a sektan singa say Earnest Bible Students [Tastasi nen Jehova], a nilasus tan nilibo ed sikara so linmoob ed panangipangawan iran kampo tan inatey [ni ingen] lapud agpanagserbi ed bakal tan agpamaltog na totoo.”

Natan, ngalngalin 50 taon kayari na Guerra Mundial II, mangitatarok iray salita nen Niemöller ed saray maaro ed kareenan a totoo na bengatlan nepeg ya isipen. Andi, say Dios so agnatetel ed impamaagos na dala na saray nasyon! On, diad panamegley na saray tuan managdayew to, ya agmibabali ed saray panlalaban na sayan mundo, say Dios so mangiyaabawag na paganigani lan anggaan na amin a bakal.​—Salmo 46:9; Juan 17:16.

[Paimano ed leksab]

[Picture Credit Line ed pahina 32]

USAF photo