Sakey a Balon Encyclopedia na Biblia

Dakel so mansusulat a mangibalikas na apresasyon da ed balon encyclopedia na Biblia a naawat da. “Agaylan makapakelaw a tulong diad panagsukimat iray duaran tomo na Insight on the Scriptures!” so imbaga na sakey a nansulat a nanlapu ed Wisconsin, E.U.A. “Peteg a sakey a makapakelaw a regalo, sakey a panliketan ko ed ando lan ando tan pambanikelan ya usaren a nagnap,” insulat na sakey a bii a nanlapud Jamaica, West Indies.

Saray duaran tomo na Insight on the Scriptures so nankarga na dagup na 2,560 pahina diad malinew, mainomay a basaen. Saray nilibulibon artikulo to so alpabetikon nauksoy tan malaknab. Sasalaysayen da iray totoo, paspasen, tanaman tan bilay na ayep, saray makatantandan agawgawa, saray piguratibon balikas ed Biblia, tan say rekord na impideneng na Dios ed katooan.

Limamplo-tan-talon tema so atibukel a bilang nikadkaduman nengneng dia ed nagnap a kolor. Dakel ed saraya so angisakup ed saray mapa tan retrato na saray heograpikon pasen tan museum, tan ontan met ed arum niran gawa na arte a denisenyon ontulong ed sikayon mantalos ed kanonotan diad saray salaysay na Biblia. Saray mabmablin nanlapuan a sengegan tan paliwawa na materyal so nitarya ed anggad karakel na 3,500 a teksto na Biblia. Say tema, kasulatan, tan lokasyon-na-mapa iran indese so apisakup.

Awaten iyan mabmabli, duaran-tomon encyclopedia diad pangibuson ed kaiban kupon a tekep na ₱200.00.

Ipangasin ipawit, libre-koreo, so duaran-tomon encyclopedia na Biblia ya Insight on the Scriptures. Ilaktip ko so ₱200.00. (Diad paway na Pilipinas, mansulat ed lokal a sanga na Watch Tower a para ed impormasyon.)