“Aliwa Ak lan Ateista!”

“NABET ko so sakey a biin nanlapud Poland a propesor,” so imbalita na sakey a misionero ed Senegal, Africa. “Awalaan kami na andukey a diskusyon, tan nambanikelan kon ebatan so dakel a tepet to.” Aglabay na propesor so palapagan a niganan para ed panagaral na Biblia, a kuanto: “Siak so sakey ya ateista. Satan a libro so agmamainteres ed siak a balot.” Anggaman kuan, inawat to so libron Life​—How Did It Get Here? By Evolution or by Creation?

“Sanen siak so pinmawil ed ontumbok a simba,” imbalita na misionero, “sikato so malikeliket ya angibaga ed siak a binasa to so libro a manlapud apis ya anggad apis. Sanen improponik ya usisaen so libron Creation ed sikato, inmebat: ‘Balet ta agko la nakaukolan ya aralen itan a libro natan! Binasak lan intero, tan sigpot ya inuman to so kanonotan ko​—aliwa ak lan ateista! Natan et labay kon satan ya ambalangan libro ya inmunan impanengneng mo so iyaral mo ed siak, a kaiba na Biblia!’”

Kasin wala so kabat yon sakey ya ateista odino anganko manusuppiat ed inkamatua na Biblia? Akin ya agpawitan itan a too na regalon kopya na Life​—How Did It Get Here? By Evolution or by Creation? Nagawaan yo so ontan diad basta panulat tan pangibuson ed kupon a walad leksab, ya ilaktip so ₱35.

Ipangasin ipawit, libre-koreo, so sakey a regalon kopya a 256-pahina libron Life​—How Did It Get Here? By Evolution or by Creation? tan ontan met ed sakey a sulat a mangipapaliwan sikato so sakey a regalon nanlapud (ngaran yo). Ilaktip ko so ₱35.