Konklusyon

Kasin nanononotan mo ni ray eksperiensyam nensaman ya kaibam iray lingkor nen Jehova—makapaseseg ya aral, makapaliket ya kombension, balibalin eksperiensya ed ministeryo, odino simplin piistoryaan ed sakey ya agi? Labay ton ibaga, agmo ni alingwanay Jehova, tan agto ka met nilingwanan. Makakaliket ton nononoten so matoor ya impanlingkor mod sikato nensaman tan labalabay to kan tulongan ya ompawil ed sikato.

Oniay imbaga nen Jehova: “Siak a mismo so mananap ed saray karnerok, tan siak so mangasikaso ed sikara. Asikasoen ko iray karnerok a singa sakey a managpastol ya aromog to la iray nitaytayak a karnero to tan papakanen to ra. Diad agew na saray lurem tan makapal a bilunget et iliktar ko ra ed amin a pasen a nitayakan da.” —Ezequiel 34:11, 12.