TEPET 18
Panon kan nawalaan na maapit a relasyon ed Dios?
“O Dumerengel na pikakasi, onasingger ed sika so amin a klase na totoo.”
“Manmatalek ka ed si Jehova diad interon pusom, tan agka mandedepende ed dilin pakatalos mo. Diad amin a dalan mo et sikatoy nonoten mo, tan gawaen ton maptek iray basbas mo.”
“Saya so mankabaliksay bilay ya andi-anggaan, a kabaten da ka, say saksakey a tuan Dios, tan samay imbakim, si Jesu-Kristo.”
“Diad tua et [say Dios] ag-arawi ed balang sakey ed sikatayo.”
“Saya so naynay kon ipipikasi, a lalo ni komon ya ombaleg so panangaro yo tekep na suston kakabatan tan aralem a pakatebek.”
“No walad sikayo so kulang na karunongan, mantultuloy komon ya onkerew ed Dios, ta sikatoy mabunlok a mangiiter ed amin tan agmamabalaw, tan niiter itan ed sikato.”
“Onapit kayo ed Dios, tan sikatoy onapit ed sikayo. Linisan yo ray lima yo, sikayo ran makasalanan, tan saray puso yo, sikayo ran agmakapandesisyon.”
“Saya so kabaliksan na panangaro ed Dios, ya unoren tayo ray ganggan to; tan saray ganggan to et aliwan makapabelat.”