TEPET 17
Panon a makatulong so Biblia ed pamilyam?
ASAWAN LALAKI/KAAMAAN
“Diad ontan a paraan et nepeg ya aroen na saray asawan lalaki so kaasawaan da a singa ed dilin laman da. Say lakin mangaaro ed asawa to et mangaaro ed sarili to, ta anggapoy toon bubusolen toy dilin laman to, noag ingen papakanen tan papablien to itan . . . Kada asawan laki ed sikayo et nepeg ton aroen so asawa to a singa ed dilin laman to.”
“Kaamaan, agyo papasyodoten iray ananak yo, noagta itultuloy yo ran pabalegen diad disiplina tan panamilin nen Jehova.”
ASAWAN BIBII
“Say asawan bii et nepeg a walaan na aralem a respeto ed asawa to.”
“Asawan bibii, magmaliw kayon mapasakop ed kaasawaan yo, ta manepeg itan ed saray papatumbok na Katawan.”
ANANAK
“Ananak, magmaliw kayon maunor ed atateng yo unong ed linawa na Katawan, ta saya so duga ed pakanengneng to. ‘Igalang moy amam tan inam’ so unonan ganggan a walay katekep ton sipan: ‘Pian maabig so pansumpalan mo tan mansiansia kad dalin diad andukey a panaon.’”
“Ananak, magmaliw kayon maunor ed atateng yo diad amin a bengatla, ta makapaliket iya ed Katawan.”