Цӕстӕй чи нӕ уыны, уыдонӕн ӕххуыс
Куыд сбӕрӕг кодтой, афтӕмӕй ӕгас дунейы дӕр 43 милуан адӕймаджы цӕстӕй нӕ уынынц ӕмӕ 295 милуаны та цӕстӕй ӕвзӕр уынынцa. Хъыгагӕн, иуӕй-иутӕ ахӕм адӕммӕ ӕвзӕр цӕстӕй фӕкӕсынц.
Хуыцау цы зӕрдӕ дары, цӕстӕй чи нӕ уыны, уыдонмӕ? Ахӕм адӕмы тыххӕй Библийы цы фыст ис? Ӕмӕ сын абон Йегъовӕйы Ӕвдисӕнтӕ куыд ӕххуыс кӕнынц?
Хуыцау цы зӕрдӕ дары, цӕстӕй чи нӕ уыны, уыдонмӕ?
Библи ӕмбарын кӕны, Йегъовӕb тынг кӕй тыхсы, цӕстӕй чи нӕ уыны, ахӕм адӕмыл. Фӕнды йӕ, цӕмӕй сӕм иннӕтӕ хорз цӕстӕй кӕсой ӕмӕ йӕ организацийы уылты цы ахуырад дӕтты, уый сын пайда хӕсса. Стӕй ма сын диссаджы фидӕнӕй ныфс ӕвӕры.
Стих: «Ӕлгъыст фӕуӕд, куырм адӕймаджы йӕ фӕндагӕй чи аздаха» (Дыккаг закъон 27:18).
Йӕ хъуыды. Раджы заманты Хуыцау йӕ адӕмӕн цы Закъон радта, уый хъахъхъӕдта, цӕстӕй чи нӕ уыдта, ахӕм адӕмы, цӕмӕй сӕ мачи ӕфхӕрдтаид.
Стих: «Хуыцау... никӕй хъулон кӕны» (Хъуыддӕгтӕ 10:34).
Йӕ хъуыды. Цӕстӕй чи уыны, уыдоны Хуыцау куыд тынг уарзы, афтӕ тынг уарзы, цӕстӕй чи нӕ уыны, уыдоны дӕр.
Стих: Йесо «бирӕ куырмытӕн радта цӕстырухс» (Лукайы 7:21).
Йӕ хъуыды. Йесо зӕххыл куы уыд, уӕд кӕйдӕрты цӕстӕй ракӕсын кодта. Афтӕмӕй равдыста, фидӕны Хуыцауы Паддзахад цы сараздзӕн, уый.
Стих: «Куырмытӕ цӕстӕй ракӕсдзысты» (Исай 35:5).
Йӕ хъуыды. Йегъовӕ зӕрдӕ бавӕрдта, тагъд рӕстӕджы, Хуыцауы Паддзахад зӕххӕн разамынд куы дӕтта, уӕд, цӕстӕй чи нӕ уыны, уыдонӕн сӕ бон кӕй уыдзӕн уынын.
Йегъовӕйы Ӕвдисӕнтӕ куыд ӕххуыс кӕнынц, цӕстӕй чи нӕ уыны, уыдонӕн?
Ӕгас дунейы дӕр Йегъовӕйы Ӕвдисӕнтӕ Хуыцауы хорз хабар дзурынц, цӕстӕй чи нӕ уыны, ахӕм адӕмӕн. Уый куыд аразынц?
Библитӕ ӕмӕ Библийыл арӕзт публикацитӕ ӕмӕ видеотӕ уадзӕм, цӕстӕй чи нӕ уыны ӕмӕ ӕвзӕр чи уыны, ахӕм адӕмӕн цы форматтӕ ис, уыдоныл, уыимӕ Брайлы шрифтыл, стыр шрифтыл ӕмӕ аудиозаписьтӕ.
Алы къуыри дӕр нын вӕййы ӕмбырдтӕ. Ӕмӕ кӕй фӕнды, уымӕн йӕ бон вӕййы ӕрбацӕуын, уыимӕ, цӕстӕй чи нӕ уыны, уыдонӕн дӕр.
Мах алкӕмӕн дӕр дзурӕм Библи ахуыр кӕныны тыххӕй. Адӕймаг Библи фӕахуыр кӕны Йегъовӕйы Ӕвдисӕнтӕй искӕимӕ чиныджы фӕрцы «Амондджынӕй цӕр ӕнустӕм!»c.
Библи ахуыр кӕныны тыххӕй ӕхца фидын нӕ хъӕуы. Цӕуылнӕ? Уымӕн ӕмӕ Йесо загъта: «Лӕвар райстат – лӕвар дӕттут» (Матфейы 10:8).
Йегъовӕйы Ӕвдисӕнтӕ зӕрдиагӕй тыхсынц, цӕстӕй чи нӕ уыны, уыдоныл. Немӕ Хуыцауӕн лӕггад кӕнын кӕй фӕнды, уыдон не ’хсӕн ссардзысты хорз ӕмбӕлттӕ. Дӕ хъус-ма ӕрдар, Йегъовӕйы Ӕвдисӕнтӕй цӕстӕй чи нӕ уыны, уыдонӕй иуӕй-иутӕ цы загътой, уымӕ.
Талитӕ Алнаши цӕры Швецийы. Йӕ райгуырдӕй фӕстӕмӕ цӕстӕй ӕвзӕр уыны. Базон, йӕ ныййарджытӕ йемӕ Библи куыд ахуыр кодтой ӕмӕ сӕ бирӕ чи уарзы, уыцы ӕмбӕлттӕ сын куыд ӕххуыс кӕнынц, уый тыххӕй.
Джеймс Райан цӕры Америкӕйы Иугонд Штатты. Куы райгуырд, уӕд хъусӕй нӕ хъуыста, фӕстӕдӕр та цӕстӕй дӕр нал уыдта. Базон, амондджын ӕмӕ райгонд цӕй фӕрцы у.
Синти Пабло цӕры Филиппинты. Йӕ райгуырдӕй фӕстӕмӕ хъусӕй нӕ хъусы ӕмӕ цӕстӕй нӕ уыны. Цымӕ йын пандемийӕйы рӕстӕг куыд ӕххуыс кодтой, Хуыцауӕн кӕимӕ лӕггад кӕны, уыдон? Бакӕс статья «Собрание помогает слепоглухой сестре во время пандемии».
Библи ахуыр кӕнынӕн нӕм цавӕр публикацитӕ ис?
Публикацитӕ Брайлы шрифтыл. Брайлы шрифтыл уадзӕм Библитӕ. Иуӕй-иу ӕвзӕгтыл ӕнӕхъӕнӕй ис, иннӕтыл та йӕ кӕцыдӕр хӕйттӕ. (Цы ӕвзӕгтыл ис, уый фенӕн ис рамкӕйы «„Библи – Ног дунейы тӕлмац” Брайлы шрифтыл».) Брайлы шрифтыл ма уадзӕм Библийыл арӕзт публикацитӕ дӕр. Брайлы шрифтыл кӕсын сахуыр кӕнын кӕй фӕнды, уыдонӕн рауагътам брошюрӕ «Ахуыр кӕнӕм Брайлы шрифт». Цӕстӕй чи нӕ уыны, уыдонӕн сӕ бон у ацы брошюрӕйы фӕрцы Брайлы шрифтыл кӕсын ахуыр кӕнын, цӕстӕй чи уыны, ахӕм адӕймагимӕ.
Брайлы шрифтыл мыхуыргонд публикацитӕ райсыны тыххӕй Йегъовӕйы Ӕвдисӕнтӕй искӕмӕн зӕгъ кӕнӕ нӕ сайты курдиат байдзаг кӕн, цӕмӕй дӕ бабӕрӕг кӕной.
Сайты jw.org рафысс файлтӕ Брайлы дисплейӕнd.
Публикацитӕ стыр шрифтыл мыхуырӕй ӕмӕ, электронон публикациты шрифт фестырдӕр кӕнӕн кӕй ис, ахӕм фадат. Цӕстӕй ӕвзӕр чи уыны, уыдонӕн нӕм ис публикацитӕ стыр шрифтыл мыхуырӕй. Нӕ сайт jw.org афтӕ конд у, ӕмӕ, цы фарсыл уа гом, уый куы фестырдӕр кӕнай, уӕд дӕр текст ӕнӕхъӕнӕй зындзӕн, шрифт та стырдӕр уыдзӕн. Приложенийы JW Library дӕр адӕймагӕн йӕ бон у публикацийы шрифт фестырдӕр кӕнын.
Стыр шрифтыл мыхуыргонд публикацитӕ райсыны тыххӕй Йегъовӕйы Ӕвдисӕнтӕй искӕмӕн зӕгъ кӕнӕ нӕ сайты курдиат байдзаг кӕн, цӕмӕй дӕ бабӕрӕг кӕной.
Сайты jw.org рафысс электронон публикацитӕ стыр шрифтыл; уыдон мыхуыргонд публикацитӕй ницӕмӕй хицӕн кӕнынц.
Аудиозаписьтӕ. «Библи – Ног дунейы тӕлмац»-ӕн аудиозаписьтӕ ис 200 ӕвзагӕй фылдӕрыл. Стӕй ма аудиозаписьтӕ кӕнӕм Библийыл арӕзт публикацитӕй бирӕтӕн. Уыцы аудиозаписьты арӕх фӕдзурынц, нывты цы ӕвдыст цӕуы, уый.
Сайты jw.org ӕмӕ приложенийы JW Library аудиозаписьтӕм онлайн хъус кӕнӕ сӕ рафысс.
Сайты jw.org рафысс, кӕсынӕн чи у, ахӕм электронон файлтӕ (скринридертӕ) ӕмӕ тифлофлешплеертӕe.
Видеотӕ тифлокомментаритимӕf. Йегъовӕйы Ӕвдисӕнтӕ уадзынц Библийыл арӕзт видеотӕ тифлокомментаритимӕ 100 ӕвзагӕй фылдӕрыл. Уыцы видеотӕ адӕмӕн ӕххуыс кӕнынц, цӕмӕй Библийы уынаффӕтӕ ӕмбарой ӕмӕ сӕ царды пайда кӕной.
Дӕ бон у тифлокомментаритимӕ цалдӕр видеомӕ байхъусын ацы рубрикӕты:
Ӕмбырдтӕ ӕмӕ конгресстӕ. Ӕгас дунейы дӕр нын алы къуыри дӕр вӕййы ӕмбырдтӕ. Ӕмбырдты Хуыцауы тыххӕй фылдӕр базонӕм ӕмӕ йын фӕлӕггад кӕнӕм. Алы аз дӕр ма нын вӕййы конгресстӕ дӕр. Конгрессты вӕййы видеотӕ. Ӕмӕ фӕархайӕм, цӕмӕй тифлокомментаритимӕ уой ӕмӕ, цӕстӕй чи нӕ уыны, уыдон сӕм хъусой. Фӕархайӕм, цӕмӕй нӕ фембӕлдты программӕ тӕлмац кӕнӕм, хъусӕй дӕр чи нӕ хъусы ӕмӕ уынгӕ дӕр чи нӕ кӕны, ахӕм адӕмӕн. Алкӕй ӕрбацыд дӕр нын ӕхсызгон вӕййы ӕмӕ никӕй хъулон кӕнӕм.
Фылдӕр базон, алы аз дӕр нын цы конгресстӕ вӕййы, уыдоны тыххӕй.
Чырыстийы мӕлӕт Ӕрымысӕн изӕрмӕ ӕрбацу. Афӕдзы дӕргъы уый махӕн у ӕппӕты ахсджиагдӕр хабар.
Хосе-Луис Айала цӕры Мексикӕйы. Йӕ райгуырдӕй фӕстӕмӕ хъусӕй нӕ хъусы ӕмӕ ма фӕстӕдӕр, 29 азы йыл куы цыди, уӕд куырм дӕр баци. Базон, не ’мбырдтӕ йын куыд баххуыс кодтой, цӕмӕй иннӕтӕн Библи амонынмӕ хорз арӕхса.
a Цӕстӕй ӕвзӕр уыны, зӕгъгӕ, амоны, адӕймаджы цӕстырухс сдзӕбӕх кӕнӕн кӕй нӕй ӕмӕ йын ӕрвылбоны хъуыддӕгтӕ кӕнын зын кӕй у. Ацы статьяйы дзырдбаст «цӕстӕй чи нӕ уыны» хауы, бынтондӕр чи нӕ уыны ӕмӕ ӕвзӕр чи уыны, уыдонмӕ.
b Йегъовӕ у Хуыцауы ном (Псалом 83:18). Кӕс статья «Чи у Йегъовӕ?».
c Зӕгъ, цӕмӕй дын равдисой, Библийы ахуыр куыд фӕцӕуы, уый. У лӕвар.
d Брайлы дисплей у къухыхӕсгӕ электронон аппарат, ис ыл Брайлы клавиатурӕ ӕмӕ йӕ компьютермӕ кӕнӕ планшетмӕ куы баиу кӕнынц, уӕд, экраныл цы текст ис, уый хъӕрӕй фӕкӕсы. Дисплейы штифттӕ уӕлӕмӕ-дӕлӕмӕ кӕй цӕуынц, уый фӕрцы Брайлы шрифтыл дамгъӕтӕ фӕаразы. Адӕймагмӕ электронон файлтӕ Брайлы дисплейӕн куы уой, уӕд ӕй гӕххӕттыл къопитӕ нал хъӕудзӕн.
e Скринридертӕ ӕмӕ тифлофлешплеертӕ хъӕрӕй фӕкӕсынц, экраныл цы текст ис, уый, компьютер кӕй саразы, ахӕм хъӕлӕсӕй кӕнӕ та цӕттӕ аудиозапись. Уыцы технологиты фӕрцы публикацийы байхъусӕн вӕййы, кӕцы хай хъӕуы, уымӕ.
f Тифлокомментаритӕ сты, видеойы ӕвдыст цы цӕуы, уый куы фӕдзурынц.