କʼଣ ଆପଣ ଚିନ୍ତାରେ ଅଛନ୍ତି ?

“ବେଳେବେଳେ ତ ସମସ୍ତଙ୍କୁ ଚିନ୍ତା ହୁଏ, କିନ୍ତୁ ମୋତେ ଲାଗେ ଯେ ମୁଁ ସବୁବେଳେ ଚିନ୍ତିତ ରହେ । ମୁଁ ଅନେକ ବର୍ଷ ଧରି ନିଜ ସ୍ୱାମୀଙ୍କ ଯତ୍ନ ନେଉଛି, ଯିଏ ଶାରୀରିକ ଓ ମାନସିକ ରୋଗରୁ ପୀଡ଼ିତ । କେବଳ ଏତିକି ନୁହେଁ, ପ୍ରତିଦିନର ଛୋଟରୁ ଛୋଟ ସମସ୍ୟାଗୁଡ଼ିକର ସାମନା କରିବା ବି ମୋତେ ଭାରି କଠିନ ଲାଗେ ।”—ଜୟା ।a

“ମୋ ସ୍ତ୍ରୀ ମୋତେ ଛାଡ଼ିକି ପଳାଇଗଲା ଏବଂ ମୋତେ ଏକୁଟିଆ ମୋର ଦୁଇଜଣ ପିଲାଙ୍କ ଲାଳନପାଳନ କରିବାକୁ ପଡ଼ିଲା । ଏହା ମୋ ପାଇଁ ବହୁତ କଠିନ ଥିଲା । ତାʼସହିତ ମୋ ଚାକିରି ବି ଚାଲିଗଲା । ମୋ ପାଖରେ ଗାଡ଼ିର ମରାମତି କରିବା ପାଇଁ ବି ପଇସା ନ ଥିଲା । ମୁଁ ବହୁତ ଚିନ୍ତିତ ଥିଲି ଏବଂ ବୁଝିପାରୁ ନ ଥିଲି ଯେ ମୁଁ କʼଣ କରିବି । ମୋତେ ଏମିତି ଲାଗୁଥିଲା ଯେ ମୁଁ ନିଜ ଜୀବନ ହାରିଦିଏ, କିନ୍ତୁ ମୁଁ ଜାଣିଥିଲି ଯେ ଏପରି କରିବା ଭୁଲ ଅଟେ । ସେଥିପାଇଁ ମୁଁ ଈଶ୍ୱରଙ୍କୁ ନିଜ ମୃତ୍ୟୁ ପାଇଁ ଭିକ ମାଗିଲି ।”—ଭରତ ।