ଅତ୍ୟାଚାର ସହୁଥିବା ସ୍ତ୍ରୀଲୋକମାନଙ୍କୁ ସାହାଯ୍ୟ କରନ୍ତୁ

ଏହିପରି ଭାବେ jw.org ୱେବସାଇଟ୍‌ରେ ଦିଆଯାଇଥିବା “ସ୍ତ୍ରୀମାନଙ୍କ ସୁରକ୍ଷା​—ଶାସ୍ତ୍ରରେ କʼଣ କୁହାଯାଇଛି ?” ଲେଖା ଆରମ୍ଭ ହୁଏ । ଏହି ଲେଖାର ଶେଷରେ ଗୋଟିଏ ଲିଙ୍କ୍‌ ଦିଆଯାଇଛି, ଯାହାକୁ କ୍ଲିକ୍‌ କରି ଆମେ ଏହାକୁ ଡାଉନଲୋଡ୍‌ କରିପାରିବା । ଏହାପରେ ଆପଣ ଏହାର ପ୍ରିଣ୍ଟ ବାହାର କରି ୪ ପୃଷ୍ଠା ବିଶିଷ୍ଟ ଗୋଟିଏ ଗୋଟିଏ ଟ୍ରାକ୍ଟ ତିଆରି କରିପାରିବେ । ଆମେରିକାରେ ରହୁଥିବା ଭଉଣୀ ଷ୍ଟେସି କହନ୍ତି, “ମୁଁ ଏହି ଲେଖାର ଅନେକ କପି ପ୍ରିଣ୍ଟ କରାଇଲି । ଏହାପରେ ମୁଁ ଏବଂ ଆଉ ଜଣେ ଭଉଣୀ ସେହି ପ୍ରିଣ୍ଟ୍‌କୁ ନେଇ ଗୋଟିଏ ମହିଳା ଆଶ୍ରମକୁ ଗଲୁ ।”

ସେହି ଆଶ୍ରମରେ କାମ କରୁଥିବା ସ୍ତ୍ରୀ ଲୋକଟି ଭଉଣୀମାନଙ୍କୁ କହିଲେ ଯେ ସେ ସେଠାର ସ୍ତ୍ରୀମାନଙ୍କୁ ଏହି ଟ୍ରାକ୍ଟ ଦେବା ପାଇଁ ଚାହାନ୍ତି, ତାହେଲେ କʼଣ ସେମାନେ ତାଙ୍କୁ ଏହି ଟ୍ରାକ୍ଟର ଆଉ କିଛି କପି ଦେଇପାରିବେ । ଆମ ଭଉଣୀମାନେ ଏହି ଟ୍ରାକ୍ଟର ୪୦ଟି କପି ଓ ୩୦ଟି jw.org ସଂପର୍କ କାର୍ଡ ସେଠାକୁ ପଠାଇଲେ । ପୁଣିଥରେ ଯେବେ ଆମ ଭଉଣୀମାନେ ସେଠାକୁ ଗଲେ, ତେବେ ଆଶ୍ରମର ମ୍ୟାନେଜର ଭଉଣୀମାନଙ୍କୁ କହିଲେ ଯେ କʼଣ ସେମାନେ ସେଠାରେ ରହୁଥିବା ସ୍ତ୍ରୀମାନଙ୍କୁ ଏହା ଦେଖାଇପାରିବେ ଯେ ବାଇବଲ ଅଧ୍ୟୟନ କିପରି କରାଯାଏ ।

ଷ୍ଟେସି ଓ ଆଉ ଦୁଇଜଣ ଭଉଣୀଙ୍କର ବି ଏପରି ହିଁ ଭଲ ଅନୁଭୂତି ରହିଲା । ସେମାନେ ଆଉ ଗୋଟିଏ ଆଶ୍ରମକୁ ଯାଇଥିଲେ ଏବଂ ସେଠାରେ ସେମାନେ ଏହି ଟ୍ରାକ୍ଟର ପାଞ୍ଚଟି କପି ଦେଲେ । ଆଉ ସେଠାର ସ୍ତ୍ରୀମାନେ ତାଙ୍କୁ ଏହାର ଆହୁରି କପି ମାଗିଲେ । ସେଠାରେ କାମ କରୁଥିବା ଜଣେ ସ୍ତ୍ରୀଲୋଟି କହିଲେ, “ଏହି ପରଚାରୁ ଏଠାରେ ଥିବା ସ୍ତ୍ରୀମାନଙ୍କୁ ବହୁତ ଲାଭ ହେବ । ଆମକୁ ଏହାର ଆବଶ୍ୟକ ଥିଲା ।” ଯେବେ ଆମ ଭଉଣୀମାନେ ପୁଣିଥରେ ସେଠାକୁ ଗଲେ, ତେବେ ଅନେକ ସ୍ତ୍ରୀ ଏକାଠି ହେଲେ । ସେମାନେ ଏହା ଦେଖିବା ପାଇଁ ଚାହୁଁଥିଲେ ଯେ ବାଇବଲ ଅଧ୍ୟୟନ କିପରି କରାଯାଏ । ଦୁଇଜଣ ସ୍ତ୍ରୀ ଏହା କହିଲେ ଯେ ସେମାନେ ସପ୍ତାହର ଶେଷରେ ହେଉଥିବା ସଭା ପାଇଁ ମଧ୍ୟ ରାଜ୍ୟଘରକୁ ଆସିବେ ।

ଭଉଣୀ ଷ୍ଟେସି କହନ୍ତି, “ଏହି ଲେଖାକୁ ପଢ଼ି ଲୋକମାନେ ଯେପରି ଭାବେ ଖୁସି ହେଲେ, ତାହା ଦେଖି ଆମକୁ ବହୁତ ଆଶ୍ଚର୍ଯ୍ୟ ଲାଗେ । ଯେବେ ଆମେ ଏହାର ପ୍ରିଣ୍ଟ ବାହାର କରି ଟ୍ରାକ୍ଟ ତିଆରି କଲୁ, ତେବେ ଆମେ ସେହି ସ୍ତ୍ରୀମାନଙ୍କୁ ବହୁତ ଭଲଭାବେ ଖୁସିଖବର ଶୁଣାଇପାରିଲୁ, ଯେଉଁମାନଙ୍କ ସହ ଖରାପ ବ୍ୟବହାର କରାଯାଇଥିଲା । ଯେବେ ଆମେ ଏହା ଦେଖିଲୁ ଯେ ସ୍ତ୍ରୀମାନେ କିପରି ଖୁସିର ସହିତ ଏହି ଟ୍ରାକ୍ଟକୁ ନେଲେ, ତେବେ ଆମକୁ ବହୁତ ଭଲ ଲାଗିଲା । ଆମକୁ ଏବିଷୟରେ ବି ଜାଣି ବହୁତ ଖୁସି ଲାଗେ ଯେ ଯେବେ ଆମେ ଏହିପରି ସ୍ତ୍ରୀ ଲୋକମାନଙ୍କୁ ଖୁସିଖବର ଶୁଣାଇବା ପାଇଁ ପରିଶ୍ରମ କରିବା, ତେବେ ଯିହୋବା ସେଗୁଡ଼ିକ ଉପରେ ଆଶିଷ ଦେବେ ।”