Kɛzi Ɛ Nye Balie Wɔ Mekɛ Mɔɔ Anu Yɛ Se La Anu La​—⁠Duzu A Baebolo Ne Ka A?

Yɛde mekɛ mɔɔ anu yɛ se la anu la ati, bie a yɛnrɛhola yɛnrɛyɛ mɔɔ to yɛ la anwo ɛhwee. Noko, saa yɛ nye balie a, ɔgyi subane mɔɔ yɛda ye ali la azo na tɛ tɛnlabelɛ mɔɔ yɛwɔ nu la. Baebolo ne ka kɛ yɛ nye bahola alie ɔnva nwo kɛ yɛyia ngyegyelɛ la, ɔluakɛ “sonla mɔɔ lɛ anyelielɛ ahonle la wɔ ɛkponledolɛ nu dahuu.” (Mrɛlɛbulɛ 15:15) Duzu a yɛbahola yɛayɛ amaa yɛ nye alie kpalɛ a? Nea kɛzi Baebolo ne anu folɛdulɛ bahola aboa wɔ la.

Gyinla adwenleadwenle nloa

Baebolo ne ka kɛ: “Sonla ahonle nu adwenleadwenle maa ahonle ne yɛ bɛtɛɛ, noko edwɛkɛ kpalɛ maa ahonle ne di fɛlɛko.”​—Mrɛlɛbulɛ 12:25.

• Baebolo ne bahola aboa wɔ yeamaa wɔagyinla adwenleadwenle nloa. Amaa wɔanwu kɛzi ɛbayɛ ye zɔ la, kenga edwɛkɛ “What the Bible Says About Anxiety.”

Mmamaa ɛ nwo yɛ wɔ koonwu

Baebolo ne ka kɛ: “Agɔnwolɛ kpalɛ da ɛlɔlɛ ali mekɛ biala yɛɛ ɔle adiema mɔɔ bɛwo ye bɛmaa anwongyelelɛ mekɛ.”​—Mrɛlɛbulɛ 17:17.

• Folɛdulɛ mɔɔ wɔ Baebolo ne anu la bahola aboa wɔ yeamaa wɔanyia agɔnwolɛma kpalɛ amaa ɛ nwo anyɛ wɔ koonwu. Kenga edwɛkɛ “Agɔnwolɛma Ɛmmaa Yɛ Nwo Ɛnyɛ Yɛ Koonwu​​—Kɛzi Baebolo Ne Kola Boa La.”

Kulo Nyamenle nee ɛ gɔnwo

Baebolo ne ka kɛ: “Fa wɔ ahonle muala nee wɔ ɛkɛla muala nee wɔ adwenle muala kulo Gyihova wɔ Nyamenle ne. . . . Kulo ɛ gɔnwo kɛ ɛ nwo.”a​—Mateyu 22:37-39.

• Asɔneyɛlɛ bahola aboa yɛ yeamaa yɛahulo Nyamenle kpalɛ. Amaa wɔanwu nwolɛ edwɛkɛ dɔɔnwo la, kenga edwɛkɛ “Does God Hear Our Prayers?”

• Saa yɛdi Mɛla Kpalɛ ne azo a, ɔbamaa yɛahulo awie mɔ. Amaa wɔanwu nwolɛ edwɛkɛ dɔɔnwo la, kenga edwɛkɛ “What Is the Golden Rule?”

Ɛkulo kɛ ɛnwu kɛzi Baebolo ne bahola aboa wɔ yeamaa ɛ nye alie wɔ mekɛ ɛhye mɔɔ anu yɛ se la anwo edwɛkɛ dɔɔnwo ɔ? Ɛnee maa yɛ nee wɔ ɛzukoa Baebolo ne mɔɔ ɛndua ɛhwee a.