Kɛzi Ɛbayɛ Neɛnleanu La

Gyimayɛlɛ Maa Ngakula

Awovolɛ lɛ ɛzonlelilɛ kpole kɛ bɛbahilehile bɛ mra Gyihova anwo debie. (Ɛfɛ. 6:4) Gyihova ahyehyɛdeɛ ne ɛyɛ ninyɛne ngakyile dɔɔnwo amaa yeaboa awovolɛ yeamaa bɛayɛ ɛhye. Kɛ ɔkɛyɛ na wɔalua ninyɛne ɛhye mɔ azo wɔahilehile bɛ ɛ?

• Nea mɔɔ wɔ ɛkɛ la. Saa ɛkɔ jw.org a, ɛbanwu debie biala mɔɔ bɛyɛ bɛmaa ngakula mɔɔ bie a le vidio yɛɛ gyimayɛlɛ ngɛlata mɔɔ bɛbahola bɛahɛlɛ zo anzɛɛ bɛadolɔdolɔ zo la wɔ ɛkɛ.a Amaa wɔanwu ninyɛne ɛhye mɔ la, kɛlɛ “Ngakula” anzɛɛ “Mgbavolɛ Nee Mbɛlɛra” wɔ kpondɛ ɛlɛka ne anu.

• Kpa gyimayɛlɛ mɔɔ fɛta la. Edwɛkɛ mɔɔ wɔ “Ngakula” foa ne abo la bahola aboa wɔ yeamaa wɔanwu gyimayɛlɛ mɔɔ ɔbaboa ɛ ra ne la. Amaa wɔanwu ɛhye la, kpondɛ “Abusua Ɛzonlenlɛ Gyimayɛlɛ.”

• Fa ɛ nwo wula nu. Mmaye yɛ vidio ne mɔ anzɛɛ ɛpelente gyimayɛlɛ ɛhye mɔ bie na ɛgyakyi ɛmaa ɛ ra ne amaa yeanyia debie yeayɛ ala. Emomu ɛ nee ɛ ra ne ɛzuzu nwo na boa ye maa ɔ nee Gyihova ɛnyia agɔnwolɛvalɛ.