NYAMENLE EDWƐKƐ NE AZO NVASOƐ | AYEZAYA 34-37
Bɛyilale Hɛzikaya Wɔ Ye Diedi Ne Anwo
Aselea Belemgbunli Sɛnakɛlebe zoanle Relabehyaki maanle ɔhɔzele Gyɛlusalɛmma kɛ bɛva bɛ nwo bɛmaa ye. Aseleama nee Dwuuma yeyele bɛ nloa azo fane dɔɔnwo kɛ bɛmaa Dwuuma asa nu ado mɔɔ bɛ nee bɛ ɛnrɛho a.
Ɔbaha bɛ ngome. Yigyibitima ɛnrɛhola ɛnrɛboa bɛ.—Ay 36:6
Adwenle nu keseeyɛlɛ. Gyihova ɛnrɛho ɛnrɛmaa bɛ ɔluakɛ ɔ nye ɛnlie bɛ nwo.—Ay 36:7, 10
Ɛnwunlonwunlanlɛ. Bɛnrɛhola bɛnrɛgyinla Aselea ɛlɔnema mɔɔ anwo yɛ se kpalɛ la anyunlu.—Ay 36:8, 9
Sɔnea. Saa bɛfa bɛ nwo bɛmaa Aseleama a bɛ nwo badɔ bɛ.—Ay 36:16, 17
Hɛzikaya nyianle Gyihova anu diedi kpundii
Ɔyɛle mɔɔ ɔbahola biala la ɔzieziele ɔ nwo ɔmaanle sua ne mɔɔ bɛbɔ ye bɛyia la
Ɔzɛlɛle Gyihova kɛ ɔlie bɛ, na ɔmianle diedi mɔɔ menli ne lɛ ye wɔ Gyihova anu la anu
Bɛyilale ye wɔ ye diedi ne anwo wɔ mekɛ mɔɔ Gyihova zoanle anwumabɔvolɛ ko maanle ɔhunle Aselea ɛlɔnema 185,000 kenle ko nɔɔzo la