Nyianu Ɛsalɛdolɛ Kɛlata Nwo Nolobɔlɛ

Ɛvolɛ biala, yɛ nye da sunsum nu ɛkponledolɛ ne mɔɔ yɛ sa ka ye wɔ yɛ maanzinli nyianu ne mɔ abo la ade. Amaa awie mɔ anwu Gyihova kpalɛyɛlɛ ne la, yɛbavɛlɛ menli dɔɔnwo kpalɛ yɛamaa bɛ nee yɛ ahɔ. (Ed 34:8) Mgbanyima eku biala bazi kɛzi bɛbava ɛsalɛdolɛ ngɛlata ne bɛamaa la anwo kpɔkɛ.

MƆƆ ƆWƆ KƐ YƐKAKYE LA

• Kenlenzu a bɛbayɛ me nyianu ɛdeɛ ne a?

• Mekɛ boni a yɛbava yɛ ɛsalɛdolɛ kɛlata ne yɛamaa ɛ?

• Mekɛ boni a bɛyia bɛkɔ daselɛlilɛ a?

• Bodane boni a meva mezie me nye zo wɔ nolobɔlɛ ne anu a?

• Nwane mɔ a mekulo kɛ mefɛlɛ bɛ a?

DUZU A ƐBAHA A?

Ɛbiza ahye ɛwie a, ɛbahola wɔaha kɛ:

“Yɛlɛto ɛsalɛ yɛavɛlɛ menli mɔɔ wɔ ewiade amuala la yɛamaa bɛahɔ gyimalilɛ bie mɔɔ anwo hyia la. Bɛhile kenle ne, mekɛ ne yɛɛ ɛleka mɔɔ bɛbayɛ ye la wɔ zo. Yɛ nye balie kɛ yɛbanwu wɔ wɔ ɛkɛ.”

KƐ ƆKƐYƐ NA WƆAMAA AWIE ANYE ALIE NWO Ɛ?

Yɛkulo kɛ yɛfɛlɛ menli dɔɔnwo yɛmaa bɛba nyianu ne, noko ɔwɔ kɛ yɛgua yɛ nye aze kɛ yɛbanwu awie biala mɔɔ anye balie nwo la.

Ɛbahola wɔava magazine ne wɔaboka ɛsalɛdolɛ ne anwo wɔamaa wɔ dapɛne awieleɛ.