Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ October

“Ɛnɛ, yɛlɛkpɔla yɛ kpalɛzoamra. Menli dɔɔnwo mɔɔ yɛ nee bɛ ɛdendɛ la ɛha kɛ debie ko mɔɔ yɛ se maa bɛ la a le bɛ dɔvolɛ bie ewule. Asoo kɛ ɛte nganeɛ la ɛne? [Maa ɔbua.] Menwu kɛ edwɛkɛ ɛhye maa anwosesebɛ.” Fa October 1 Ɛzinzalɛ Arane ne anzi kile ye, na bɛzuzu edwɛkɛ mɔɔ wɔ kpuyia mɔɔ lumua la abo nee ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia bieko mɔɔ doa zo la anwo.

Ɛzinzalɛ Arane October 1

“Yɛra ɛke kɛ yɛmaa bɛ anwosesebɛ yɛamaa bɛagenga Baebolo ne. Yɛze kɛ menli bie mɔ anye die Baebolo ne anwo; yɛɛ bie mɔ anye ɛnlie nwo. Na ɛdawɔ noko ɛ? [Maa ɔbua.] Baebolo ne ka edwɛkɛ ɛhye wienyi. [Kenga 1 Tɛsalonaekama 2:13.] Meze kɛ ɛbalie wɔali kɛ saa ɔle nɔhalɛ kɛ Baebolo ne le buluku mɔɔ vi Nyamenle ɛkɛ a, ɛnee ɔfɛta kɛ yɛkenga. Magazine ɛhye ka mɔɔ Baebolo ne fane nwolɛ nee deɛmɔti ɔwɔ kɛ yɛ nye die nwolɛ la anwo edwɛkɛ sikalɛ.”

Awake! October

“Mekulo kɛ menwu wɔ adwenle wɔ edwɛkɛ ɛhye anwo: Saa yɛnlɛ nwonane afoa nu ninyɛne dɔɔnwo a, asoo yɛbanyia ahunlundwolɛ? [Maa ɔbua.] Tie mɔɔ Baebolo ne ka la. [Kenga 1 Temɔte 6:8.] Magazine ɛhye ka adwenle kpalɛ mɔɔ ɔwɔ kɛ yɛnyia wɔ nwonane afoa nu ninyɛne nwo la anwo edwɛkɛ na ɔsuzu ninyɛne nsa mɔɔ sonle bolɛ mɔɔ ezukoa ɛngola ye tɔ la anwo.”