Ɛzonlenlɛ Gyima Anyuhɔlɛ

Bɛ nye balie kɛ bɛkɛnwu kɛ wɔ March siane ne anu, nolobɔlɛma 25,074 zonlenle kɛ adekpakyelɛ boavolɛma. Saa yɛfa yɛtoto ɛkenle ɛvolɛ ne siane ɛhye ɛdeɛ ne anwo a yɛnyianle ɛya ko ngyɛnu 26. Bieko, wɔ March, yɛvale magazine dodo mɔɔ tɛla biala 1,645,566 yɛmanle, yɛyɛle sia kɔkpɔla 1,410,011 yɛɛ Baebolo ɛzukoalɛ 381,234. Ɔda ali wienyi kɛ Gyihova menli ‘anye ɛbolo kɛ bɛkɛyɛ gyima kpalɛ.’—Tae. 2:14.