Nolobɔlɛ

◼ Buluku mɔɔ yɛbava yɛamaa wɔ September nee October: Ɛzinzalɛ Arane nee Awake! magazine. November nee December: Duzu A Baebolo ne Kilehile Amgba A? anzɛɛ trate ne mɔɔ se, Ɛkulo kɛ Ɛnwu Nɔhalɛ ne Ɔ?

◼ Bɛbamaa 2014 Ngakyelɛlilɛ mekɛ ne anu ɛdendɛlɛ titile ne wɔ April 21 dapɛne ne anu. Bɛbava edwɛkɛtile ne bɛara nzinlii. Asafo mɔɔ maanzinli zo neavolɛ ne barakpɔla bɛ anzɛɛ bɛlɛ nyianu wɔ zɔhane dapɛne ne anu la bamaa ɛdendɛlɛ titile ne dapɛne bieko mɔɔ doa zolɛ la anu. Ɔnle kɛ asafo biala maa ɛdendɛlɛ titile ne kolaa na April 21 adwu.

◼ Bɛbahola bɛayɛ nzenzaleɛ wɔ debiezukoalɛ mɔɔ bɛbayɛ kolaa na bɛahɔ maangyeba nyianu ne la anu na bɛava bɛazuzu folɛdulɛ nee ngakyelɛ mɔɔ bɛzuzule nwolɛ wɔ April 22 dapɛne ne anu Ɛzonlenlɛ Nyianu ne anu la anwo. Bɛ nyianu ne anzi siane ko anzɛɛ nwiɔ anu, bɛbahola bɛava asafo nu ngyianlɛ foa ne bɛazuzu nyianu ne anu edwɛkɛ mɔɔ nolobɔlɛma ɛnwu kɛ ɔbaboa bɛ wɔ daselɛlilɛ nu la anwo.