Mɔɔ Yɛbaha Ye Magazine Ne Anwo

The Watchtower September 1

“Ɔdwu mekɛ ne bie a ɛzonlenlɛ nu mɔdenlebɔlɛ mɔɔ ɛnle kpalɛ la maa menli yɛ ninyɛndane. Ɛsuzu kɛ duzu a maa bɛyɛ zɔ a? [Maa ɔbua.] Tie mɔɔ Baebolo ne se yɛyɛ la. [Kenga 1 Dwɔn 4:1.] Edwɛkɛ ɛhye kilehile deɛmɔti ɔhyia kɛ yɛfa yɛ diedi yɛtoto mɔɔ Nyamenle Edwɛkɛ ne ka la anwo la anu.” Fa edwɛkɛ ne mɔɔ wɔ mukelɛ 10 la kile ye.

Awake! September

Kenga Mateyu 5:39. Akee ka kɛ: “Ɛdwenle kɛ ɛnee Gyisɛse ɛlɛkile kɛ saa awie yɛ yɛ ɛtane a yɛli ye yɛ kunlu ɔ? [Maa ɔbua.] Edwɛkɛ ɛhye kile mɔɔ Baebolo ne ka fane mɔdenle mɔɔ awie bɔ die ɔ nwo nee banebɔlɛ mɔɔ bɛdua mɛla adenle zo bɛkpondɛ la anwo edwɛkɛ.” Fa edwɛkɛ ne mɔɔ wɔ mukelɛ 10 la kile ye.

The Watchtower October 1

“Menli mɔɔ wɔ ewiade ɛzonlenlɛ kɔsɔɔti anu la yɛ asɔne. Ɛdwenle kɛ Nyamenle tie asɔneyɛlɛ kɔsɔɔti na ɔbua ɔ? [Maa ɔbua.] Baebolo ne tu yɛ folɛ kɛ yɛyɛ asɔne. [Kenga Felepaema 4:6, 7.] Magazine ɛhye maa yɛnwu mualɛ mɔɔ Baebolo ne fa maa wɔ kpuyia nsuu mɔɔ menli ta biza wɔ asɔneyɛlɛ nwo la.”

Awake! October

“Yɛta yɛte kɛ agyalɛma, maamulɛma nee menli gyɛne ɛnli nɔhalɛ ɛmmaa bɛ gɔnwo mɔ. Ɛdie ɛdi kɛ ɔyɛ se kɛ yɛbanwu menli mɔɔ di nɔhalɛ la ɔ? [Maa ɔbua.] Menli dɔɔnwo te nganeɛ kɛ ngɛlɛlera ɛhye ɛlɛba nu. [Kenga 2 Temɔte 3:1-5.] Magazine ɛhye kile ɛleka mɔɔ yɛbahola yɛanwu menli mɔɔ di nɔhalɛ la.”