Ɛlɛtu Wɔazie Ɔ?
Duzu a ɛlɛtu wɔazie a? DPA (durable power of attorney) kɛlata ne mɔɔ bɛyɛ bɛmaa Alasevolɛ mɔɔ bɛzɔne bɛ mɔɔ ɛhyehyɛ la. Kɛmɔ ‘ɛnze mɔɔ bazi ɛ nwo zo ɛhyema’ la ati, ɔhyia kɛ ɛdumua ɛsi ayileyɛlɛ nee adenle mɔɔ bɛdua zo bɛyɛ ayile mɔɔ ɛbalie wɔado nu wɔ mekɔ mɔɔ ɛ nwo kɛdo wɔ arɛlevilɛ nu la anwo kpɔkɛ na ɛkɛlɛ ɛto ɛkɛ. (Gye. 4:14; Gyi. 15:28, 29) Amaa wɔanyia moalɛ na wɔahola wɔayɛ zɔ la, bɛyɛ video ne mɔɔ se Transfusion-Alternative Health Care—Meeting Patient Needs and Rights la. Nea video ne na fa asɔneyɛlɛ suzu mɔɔ ɔ bo ɛkɛ ne kpuyia ne mɔ ɛboa wɔ ɛmaa wɔnwu ye la anwo.—Bɛyɛ ye nzonlɛ: Kɛmɔ apelehyɛne wɔ video ne foa bie mɔ anu la ati, ɔwɔ kɛ awovolɛ si kpɔkɛ kɛ saa bɛkɛmaa bɛ mra ngakula kɛnlea bie a.
(1) Duzu ati a ayileyɛlɛma ɛlɛsia anleɛnlea kɛzi bɛfa mogya bɛdi gyima la anu ɛ? (2) Fa apelehyɛne mɔɔ yɛ se mɔɔ bɛyɛ mɔɔ bɛammaa mogya wɔ nu la anwo neazo nsa maa. (3) Dɔketama nee ayileyɛlɛma mɔɔ wɔ ewiade la anu nyɛ a ɛhile kɛ bɛkulo kɛ bɛyɛ wuleravolɛma ayile mɔɔ bɛmmaa bɛ mogya a? Duzu ati a bɛkulo kɛ bɛyɛ zɔ a? (4) Duzu a asopiti neɛnleanu mɔɔ bɛyɛ ye kenlensa ye la ɛmaa yela ali wɔ mogya mɔɔ bɛfa bɛmaa la anwo a? (5) Ayileyɛlɛ nwo esiane boni a wɔ mogya mɔɔ bɛfa bɛmaa la anu a? (6) Edwɛkɛ boni a Dɔketama nee Ayileyɛlɛma dɔɔnwo ɛha ɛva nvasoɛ mɔɔ wɔ ayile mɔɔ bɛfa bɛsie mogya gyakɛ anu la anwo a? (7) Duzu a maa awie mogya zo te a? Awie mogya zo te a, ɔbahola yeadɛnla aze mekɛ nyɛ? Duzu a bɛkola bɛyɛ bɛboa awie mɔɔ ye mogya zo kɛde la ɛ? (8) Kɛzi bɛkola bɛmaa wuleravolɛ ngoane ngɛkɛba kɔkɔlɛ ne yɛ dɔɔnwo ɛ? (9) Adenle boni a bɛdua zo bɛnea kɛ bɛlɛyɛ awie apelehyɛne a mogya dɔɔnwo ɛnrɛvi ye nu a? (10) Asoo bɛkola bɛfa ayile mɔɔ bɛfa bɛsie mogya gyakɛ anu la bɛmaa ngakula anzɛɛ menli mɔɔ bɛ ewule ne anu yɛ se la? (11) Ayileyɛlɛ kpalɛ nwo ngyinlazo titile ko mɔɔ wɔ ɛkɛ ne la a le duzu? (12) Duzu ati a ɔhyia kɛ Keleseɛnema dumua si ayileyɛlɛ mɔɔ bɛmmaa mogya wɔ nu la anwo kpɔkɛ ɛ? Kɛ ɔkɛyɛ na yɛayɛ ɛhye ɛ?
Video ne anu ayileyɛlɛ bie mɔ mɔɔ awie balie ado nu la le ɔ ti anwo kpɔkɛ mɔɔ ɔwɔ kɛ ɔgyinla ye adwenle mɔɔ bɛva Baebolo ne bɛtete ye la azo ɔsi a. Asoo wɔzi kpɔkɛ fɔɔnwo wɔ ayileyɛlɛ nee adenle mɔɔ bɛdua zo bɛyɛ ayile mɔɔ ɛkulo kɛ ɛ nee ɛ mra ngakula die to nu la anwo na wɔhɛlɛ ye wɔ DPA kɛlata zo? Amaa wɔade edwɛkɛ ɛhye mɔ abo kpalɛ la, suzu “Nyamenle Ɛhulolɛ” buluku ne tile 7 nee ɛleka ngakyile mɔɔ bɛhile wɔ nu la anwo boɛ. Eza nea kɛlata ne mɔɔ vea December 2006 Our Kingdom Ministry ne anu mɔɔ se “How Do I View Blood Fractions and Medical Procedures involving My Own Blood?” la. Ɛwie a, nea kɛ ɛbahɛlɛ mɔɔ wɔkpa la bɔkɔɔ wɔ DPA kɛlata ne azo. Ɔwɔ kɛ ɛbɔ wɔ ayileyɛlɛ nwo boavolɛ mɔɔ wɔkpa ye nee wɔ mbusua mɔɔ bɛnle Alasevolɛ la amaneɛ wɔ kpɔkɛ mɔɔ wɔzi la anwo.
[Ɛlɛka wɔ mukelɛ 3]
• Asoo wɔzi nyile nee ndenle mɔɔ bɛdua zo bɛyɛ nyile mɔɔ ɛdie ɛto nu la anwo kpɔkɛ wɔmaa ɛ nwo nee ɛ mra?
• Asoo ɛlɛ DPA kɛlata mɔɔ bɛyɛ bɛwie la wɔ ɛ nwo mɔɔ edwɛkɛ si arɛlevilɛ nu a ɛbava wɔali gyima a?