Dapɛne Ngyehyɛleɛ Maa January 25
DAPƐNE MƆƆ BƆ Ɔ BO JANUARY 25
Edwɛne 143
□ Asafo Baebolo Ɛzukoalɛ:
□ Teokelase Ɛzonlenlɛ Sukulu:
Baebolo ɛgengalɛ: Maanlebuvolɛma 5-7
No. 1: Maanlebuvolɛma 7:1-11
No. 2: Kɛ Ɔkɛyɛ Na Yɛanwu “Tuutuunli Ne Mɔɔ Ɛlie Duma” Mɔɔ Bɛha Ɔ Nwo Edwɛkɛ Wɔ Yekile 17:1 La Ɛ?
No. 3: Asoo Bɛkola Bɛdie Awie Bɛfi Ɛleka Mɔɔ Baebolo Ne Fɛlɛ Ye Hell La? (rs-E m. 170 ¶4–m. 171 ¶1)
□ Ɛzonlenlɛ Nyianu:
Edwɛne 220
5 min: Nolobɔlɛ.
10 min: Buluku Mɔɔ Yɛbava Yɛamaa Wɔ February. Ka ninyɛne ngɛnlɛma mɔɔ wɔ buluku mɔɔ yɛbava yɛamaa wɔ siane ne anu la anwo edwɛkɛ sikalɛ. Maa bɛyɛ kɛzi nolobɔlɛnli mɔɔ ɔnlua daselɛlilɛ nu bahola ava buluku mɔɔ yɛbava yɛamaa wɔ siane ne anu abɔ Baebolo ɛzukoalɛ bo la anwo yɛkile.
20 min: “Ɛlɛtu Wɔazie Ɔ?” Kpuyia nee mualɛ adawubɔlɛ. Ɔwɔ kɛ kpanyinli di nwolɛ gyima. Maa bɛyɛ nolobɔlɛnli mɔɔ ɛlɛkilehile bodane mɔɔ DPA kɛlata ne gyi zo la anu ahile ye dɔketa na ɔlɛka yeahile ye kɛ ɔva ɔboka ye ngɛlata ne anwo la anwo yɛkile. Dɔketa ne bɔ ye ɛwɔkɛ kɛ ɔbayɛ zɔ. Kenga ɛdendɛkpunli ne mɔɔ li awieleɛ la fa dwula.
Edwɛne 160