Ɛze Mɔɔ Ɛkulo La Ɔ?
Bɛlɛyɛ apelehyɛne mɔɔ bɛnva mogya bɛnli gyima wɔ nu la wɔ ewiade ye asopiti dɔɔnwo anu. Asoo ɛze ayileyɛlɛ mɔɔ bɛnlie mogya wɔ nu la ngakyile mɔɔ wɔ ɛkɛ la kpalɛ? Ɔwɔ kɛ ɛnwu ɛhye amaa wɔazi kpɔkɛ kpalɛ wɔ ayileyɛlɛ nee apelehyɛne nwo. Nea video ne mɔɔ se, No Blood—Medicine Meets the Challenge la. Ɛnea ɛwie a, fa asɔneyɛlɛ suzu mɔɔ kpuyia ɛhye mɔ ɛboa wɔ ɛmaa wɔnwu ye la anwo.—Bɛyɛ Ye Nzonlɛ: Kɛmɔ apelehyɛne mɔɔ bɛlɛyɛ la wɔ video ne foa bie mɔ anu la ati, ɔwɔ kɛ awovolɛ suzu nwolɛ kpalɛ na bɛamaa bɛ mra ngakula anlea bie.
(1) Adwenle titile boni ati a Gyihova Alasevolɛ kpo kɛ bɛkɛlie mogya a? (2) Duzu a Gyihova Alasevolɛ kulo wɔ ayileyɛlɛ nwo a? (3) Nwolɛ adenle titile boni a wuleravolɛma lɛ a? (4) Kɛmɔti a nrɛlɛbɛ wɔ nu yɛɛ ɔle kpalɛ kɛ ɛkɛkpa ayileyɛlɛ mɔɔ bɛmmaa mogya wɔ nu la ɛ? (5) Saa mogya dɔɔnwo fi awie nu a, ninyɛne nwiɔ mɔɔ hyia la boni a dɔketama yɛ a? (6) Ayileyɛlɛ mɔɔ bɛmmaa mogya wɔ nu la ngyinlazo nna ne a le boni mɔ? (7) Kɛzi dɔketama (a) nea kɛ mogya dɔɔnwo ɛnrɛvi awie nu ɛ, (b) bɔ ngoane ngɛkɛba kɔkɔlɛ nwo bane, (d) maa awie nyia mogya dɔɔnwo, na (ɛ) bɛsia bɛnyia mogya mɔɔ ɛminli la ɛ? (8) Ka ayileyɛlɛ adenle ɛhye mɔ anwo edwɛkɛ (a) mogya mɔɔ bɛfonla nu yɛɛ (b) mogya mɔɔ bɛbɔ nwolɛ bane. (9) Duzu a ɛkulo kɛ ɛnwu ye wɔ ayile biala mɔɔ bɛfa bɛsie mogya gyakɛ anu la anwo a? (10) Asoo bɛkola bɛyɛ apelehyɛne mɔɔ yɛ se mɔɔ bɛnlie mogya ɔ? (11) Nzenzaleɛ kpalɛ boni a dɔketama ɛlɛyɛ a?
Video ne anu ayileyɛlɛ bie mɔ mɔɔ awie balie ado nu la le ɔ ti anwo kpɔkɛ mɔɔ ɔwɔ kɛ ɔgyinla ye adwenle mɔɔ bɛva Baebolo ne bɛtete ye la azo ɔsi a. Asoo wɔzi kpɔkɛ fɔɔnwo wɔ ayileyɛlɛ nee adenle mɔɔ bɛdua zo bɛyɛ ayile mɔɔ ɛkulo kɛ ɛ nee ɛ mra ngakula die to nu la anwo, na wɔyɛ nwolɛ DPA kɛlata ɔ? Amaa wɔade edwɛkɛ ɛhye mɔ abo kpalɛ la, nea “Questions From Readers” mɔɔ wɔ June 15, 2004, yɛɛ October 15, 2000, The Watchtower ne anu la. Akee fa kɛlata ne mɔɔ vea December 2006 Our Kingdom Ministry ne anu mɔɔ se, “How Do I View Blood Fractions and Medical Procedures involving My Own Blood?” la di gyima na si ɛ ti anwo kpɔkɛ wɔ mɔɔ ɛkulo nee mɔɔ ɛngulo la anwo. Ɛwie a, nea kɛ ɛbahɛlɛ wɔ kpɔkɛ mɔɔ wɔzi la wɔ DPA kɛlata ne azo. Ɔwɔ kɛ ɛbɔ wɔ ayileyɛlɛ nwo boavolɛ mɔɔ wɔkpa ye nee wɔ mbusua mɔɔ bɛnle Alasevolɛ la amaneɛ wɔ wɔ kpɔkɛzilɛ ne anwo.