Kpuyia Ɛleka

◼ Mbuluku nwiɔ boni a ɔwɔ kɛ yɛ nee anyelielɛma sukoa a?

Baebolo ne Kilehile buluku ne a le buluku titile mɔɔ yɛfa yɛbɔ sua nu Baebolo ɛzukoalɛ bo na yɛyɛ a. Ɔwɔ nuhua kɛ ɔnle ɛtane kɛ yɛbava tract mɔɔ fɛta yɛabɔ Baebolo ɛzukoalɛ bo ɛdeɛ, noko ɔwɔ kɛ yɛbɔ mɔdenle yɛyɛ ye ndɛndɛ yɛfa Baebolo ne Kilehile buluku ne yɛsie ɔ gyakɛ anu. Nvasoɛ dɔɔnwo ɛvi Baebolo ne Kilehile buluku ne mɔɔ bɛva bɛbɔ debiezukoalɛ bo la anu ɛra.

Saa bɛsukoa Baebolo ne Kilehile buluku ne bɛwie na sukoavo ne ɛlɛnyia anyuhɔlɛ a, ɔwɔ kɛ bɛsukoa Sonle Nyamenle buluku ne. (Kɔlɔ. 2:7) Mukelɛ 2 ne kilehile kpɔkɛ mɔɔ buluku ne gyi zo la anu kɛ: “Baebolo ne tu menli mɔɔ kulo Nyamenle la kɔsɔɔti folɛ kɛ ‘bɛbɔ mɔdenle kɛ bɛkɛde kɛzi nɔhalɛ ne anwumahɔlɛ nee ye kuma si de’ la abo. (Ɛfɛsema 3:18) Ɛhye ati a bɛyɛ buluku ɛhye a. Yɛlɛ anyelazo kɛ ɔbaboa wɔ yeamaa wɔanyi wɔ sunsum nu na yeaziezie wɔ kpalɛ yeamaa wɔalua adenle ɛdenraa ne mɔɔ kɔ dahuu ngoane nu wɔ Nyamenle tenlene ewiade fofolɛ ne anu la anu.”

Saa sukoavo ne fɛta kɛ bɛsɔne ye kolaa na yeazukoa mbuluku nwiɔ ne yeawie a, ɔwɔ kɛ debiezukoalɛ ne kɔ zo kɔkpula kɛ bɛkɛzukoa buluku ne mɔɔ tɔ zo nwiɔ la bɛkɛwie. Ɔwɔ nuhua kɛ bɛzɔne sukoavo ne ɛdeɛ, noko ahenle mɔɔ yɛ debiezukoalɛ ne la bahola abu mekɛ ne, sia kɔkpɔla ne yɛɛ Baebolo ɛzukoalɛ ne anwo mgbonda. Nolobɔlɛnli mɔɔ nee ahenle mɔɔ yɛ debiezukoalɛ ne kɛhɔ na ɔkɛnyia nuhua kyɛfoa la noko bahola abu mekɛ ne anwo mgbonda.