Nolobɔlɛ
◼ Buluku mɔɔ yɛbava yɛamaa wɔ January: Yɛbava buluku biala mɔɔ le mukelɛ 192 mɔɔ bɛyɛ wɔ kɛlata zo mɔɔ ye kɔla ne kola kakyi anzɛɛ buluku biala mɔɔ bɛyɛle kolaa na 1991 la yɛamaa. Asafo mɔɔ ɛnlɛ buluku ɛhye mɔ bie la bahola ava Knowledge buluku ne (saa bɛlɛ bie a) anzɛɛ Bɛhɔ Zo Bɛzinza! brochure ne amaa. February: Yɛbava Is There a Creator Who Cares About You? anzɛɛ The Secret of Family Happiness yɛamaa. March: Yɛbava Duzu a Baebolo ne Kilehile Amgba A? yɛamaa. Bɛbɔ mɔdenle bɛva bɛbɔ Baebolo ɛzukoalɛ bo. April nee May: Yɛbava The Watchtower nee Awake! magazine yɛamaa. Ɔwɔ kɛ bɛbɔ mɔdenle kpalɛ bɛkɔkpɔla anyelielɛma fofolɛ mɔɔ rale Ngakyelɛlilɛ ne nee ɛdendɛlɛ titile ne bie noko bɛ nee asafo ne ɛmbɔ kpalɛ la. Ɔwɔ kɛ ɛkpɔlalɛ zɛhae bodane yɛ kɛ bɛdua zo bɛ nee menli ɛhye mɔ abɔ sua nu Baebolo ɛzukoalɛ bo.
◼ Kɛmɔ Folɛ nee Molɛ nnu a wɔ March anu la ati, ɔbayɛ siane kɛnlɛma yeamaa adekpakyelɛ boavolɛ gyimayɛlɛ.
◼ Ɔvi March mɔɔ kɔ la, bagua nu ɛdendɛlɛ fofolɛ mɔɔ maanzinli zo neavolɛma bamaa la ati se “Nienwu a Ɛbanyia Moalɛ Wɔavi wɔ Ngyegyelɛ Mekɛ nu A?”
◼ Ɔwɔ kɛ asafo ne mɔ yɛ ngyehyɛleɛ mɔɔ fɛta la fa di ɛvolɛ ɛhye anu Ngakyelɛlilɛ ne wɔ Folɛ, March 22, mekɛ mɔɔ ewia ne ɛhɔdɔ la. Ɔwɔ nuhua kɛ bɛbahola bɛalumua bɛabɔ ɛdendɛlɛ ne abo ɛdeɛ, noko ɔnle kɛ bɛfa aleɛ ne nee nza ne bɛfa menli ne anyunlu kɔkpula kɛ ewia ne ɛhɔdɔ la. Ɔwɔ kɛ asafo biala bɔ mɔdenle kɛ ɔkɛli ye Ngakyelɛlilɛ ɛdeɛ. Noko akee tɛ mekɛ biala a bɛbahola bɛayɛ ɛhye a. Ɛleka mɔɔ asafo dɔɔnwo yia wɔ Belemgbunlililɛ Asalo ko anu la, bie a asafo ko anzɛɛ nwiɔ bahola akpondɛ ɛleka gyɛne ayɛ bɛ Ngakyelɛlilɛ ɛdeɛ. Saa ɔkɛyɛ boɛ a, yɛsuzu kɛ yeanyɛ boɛ fee la bɛmaa mitini 40 ɛla ngyehyɛleɛ ko biala avinli amaa bɛ muala bahola bɛala agɔnwolɛvalɛ ali wɔ Ngakyelɛlilɛ ne anzi. Eza ɔwɔ kɛ bɛsuzu kale mɔɔ mediema kɛvo nee ɛleka mɔɔ bɛfa kale bɛsie la anwo. Ɔwɔ kɛ mgbanyima eku ne si ngyehyɛleɛ mɔɔ le kpalɛ wɔ bɛ ɛkɛ ne la anwo kpɔkɛ.
◼ Ɛleka mɔɔ asafo ne mɔ lɛ ekpunli ngakyile anzɛɛ mumule aneɛ ekpunli mɔɔ ɛde ɔ nwo la, bɛlɛwula mgbanyima ne mɔ anwosesebɛ kɛ bɛyɛ ngyehyɛleɛ bɛmaa bɛyɛ Ngakyelɛlilɛ ne bɛmaa menli ekpunli ɛhye mɔ wɔ zɔhane azɛlɛsinli ne anu. Saa bɛlɛ mediema mrenya mɔɔ bɔ mɔdenle mɔɔ bahola anlea ngyehyɛleɛ ɛhye azo a ɔngyia kɛ bɛ muala bɛtu adenle bɛbaboka asafo ne anwo wɔ ɛleka ko. Ngyehyɛleɛ ɛhye mɔɔ bɛbayɛ bɛamaa menli anzɛɛ mumule aneɛ ekpunli bie mɔɔ ɛde ɔ nwo la ɛnrɛmaa ɔnrɛyɛ se ɔnrɛmaa menli dɔɔnwo kɛ bɛkɛhɔ Ngakyelɛlilɛ ne bie. Noko akee, ɔwɔ kɛ bɛfa mgbondabulɛ kokye bɛnwa wɔ asafo ne duma nu. Ɛzonlenlɛ kɔmatii ne bahola ava Ngakyelɛlilɛ ne anwo anwubielɛ mɔɔ yɛ anyelielɛ la anwa.
◼ Ɔwɔ kɛ asafo nu kɛlɛhɛlɛvolɛma nea nwu ye kɛ bɛlɛ pioneer appointment letter (S-202) mɔɔ bɛbava bɛamaa dahuu adekpakyelɛnli ko biala mɔɔ wɔ asafo ne anu la. Yɛsɛlɛ kɛ saa bɛnlɛ bie a bɛhɛlɛ bɛbɔ ɔfese ne amaneɛ.
◼ Saa awie ɛlɛkɛlɛ abiza dahuu adekpakyelɛ nwo adenle a bɛnlea kɛ bɛbava kɛlata fofolɛ ne mɔɔ ye kenle ne le S-205 5/06 bɛali gyima. Ɔwɔ kɛ Asafo Ɛzonlenlɛ Kɔmatii ne neɛnlea kɛlata ne anu kɛ bɛye kpuyia ne kɔsɔɔti anloa. Saa menli mɔɔ ɛlɛbiza nwolɛ adenle la ɛnze kenle fɔɔnwo mɔɔ bɛzɔnenle bɛ a, ɔwɔ kɛ bɛfa bɛ nye bɛsu kenle ne na bɛbu nwolɛ mgbonda. Ɔwɔ kɛ kɛlɛhɛlɛvolɛ ne kɛlɛ kenle ne wɔ Congregation’s Publisher Record (S-21) kɛlata ne azo.
◼ Dahuu yɛ nye die kɛ menli ekpunli barakpɔla Bɛtɛle. Bɛfa menli bɛkpɔsa wɔ mekɛ ɛhye mɔ anu: Kenlenzile kɔdwu Yalɛ nwonlomɔ 9:30 yɛɛ 10:30 yɛɛ ewiazo 1:30 yɛɛ 3:00 ; Folɛ nwonlomɔ 9:00 yɛɛ 10:30. Yɛ nye die kɛ saa ɔkɛyɛ boɛ a, bɛbarakpɔla yɛ wɔ dapɛne ne anu, ɔvi Kenlenzile kɔdwu Yalɛ mɔɔ bɛlɛyɛ gyima wɔ ɛleka biala la. Ɔhyia kɛ menli kɛyɛ 20 anzɛɛ mɔɔ bo zɔ mɔɔ kulo kɛ bɛbakpɔla Bɛtɛle la dumua fa address ɛhye kɛlɛ yɛ: Bethel Office, Christian Congregation of Jehovah’s Witnesses, P. O. Box GP 760, Accra. Yɛsɛlɛ bɛ bɛmaa yɛnwu menli dodo, kenle ne nee mekɛ mɔɔ bɛbarakpɔla yɛ la. Noko akee, bɛmmamaa bɛ nye da kɛ bɛkɛnyia mualɛ na bara. Kolaa na bɛara la, yɛsɛlɛ kɛ bɛzuzu June 2002 Our Kingdom Ministry Question Box yɛɛ Organized to Do Jehovahˈs Will, mukelɛ 138, mɔɔ ka tɛladeɛ nee anwoziezielɛ kpalɛ wɔ mekɛ mɔɔ awie ɛlɛkɔ ahɔkpɔla Bɛtɛle anwo edwɛkɛ la anwo.
◼ Ɔvi August 4, 2008, dapɛne ne anu mɔɔ kɔ la, Nrelenza asafo kɔsɔɔti bazukoa Live With Jehovah’s Day in Mind wɔ Asafo Buluku Ɛzukoalɛ bo. Kɛmɔ yɛnlɛ buluku ɛhye wɔ maanle ye anu aneɛ ngakyile ne mɔ anu la ati, asafo ne mɔ mɔɔ ɛha la bazukoa The Secret of Family Happiness buluku ne.