Kpuyia Ɛleka

◼ Mekɛ tendenle nyɛ a ɔwɔ kɛ yɛ nee Baebolo sukoavo mɔɔ ɛlɛnyia anyuhɔlɛ la sukoa a?

Ɔle kpalɛ kɛ yɛbahɔ zo yɛ nee Baebolo sukoavo mɔɔ ɛlɛnyia anyuhɔlɛ la azukoa debie kɔkpula kɛ ɔbawie mbuluku nwiɔ ne—Duzu A Baebolo ne Kilehile Amgba A? yɛɛ “Bɛzie Bɛ Nwo wɔ Nyamenle Ɛhulolɛ ne Anu” sukoa la. Saa bɛsɔne sukoavo ne kolaa na yeawie mbuluku nwiɔ ne sukoa bɔbɔ a ɔwɔ kɛ bɛyɛ ye zɔ. Wɔ ye ɛzɔnenlɛ ne anzi, yɛbahɔ zo yɛabu mekɛ, sia kɔkpɔla, nee debiezukoalɛ ne anwo mgbonda. Saa yɛ nee nolobɔlɛnli bie kɔ daselɛlilɛ na ɔnyia debiezukoalɛ ne anu kyɛfoa a, ɔdaye noko ɔbahola yeabu mekɛ ne anwo mgbonda.—Nea March 2009 Yɛ Belemgbunlililɛ Gyima ne, mukelɛ 2.

Ɔhyia kɛ menli mɔɔ bɛle fofolɛ la te nɔhalɛ ne abo kpalɛ kolaa na bɛagyakyi bɛ. Ɔwɔ kɛ bɛyɛ menli mɔɔ “ɛsosɔ ndinli kpalɛ wɔ Kelaese anu la,” amaa “bɛ diedi [agyinla] kpundii,” na bɛahola bɛagyinla ngyegyelɛ mɔɔ bɛbayia la anloa. (Kɔl. 2:6, 7; 2 Tem. 3:12; 1 Pita 5:8, 9) Bieko, amaa yɛahola yɛahilehile awie mɔ kpalɛ la, ɔwɔ kɛ bɛnwu “nɔhalɛ ne” kpalɛ. (1 Tem. 2:4) Saa yɛ nee yɛ sukoavoma ne sukoa mbuluku nwiɔ ne wie a, ɛnee yɛlɛboa bɛ yɛamaa bɛava ‘adenle ne mɔɔ kɔ ngoane nu’ la azo bɔkɔɔ.—Mat. 7:14.

Kolaa na mgbanyima ne mɔ alie ado nu kɛ ɔwɔ kɛ bɛsɔne awie la, ɔwɔ kɛ bɛnwu kɛ ɔte Baebolo nu mɔlebɛbo ngilehilelɛ ne mɔ abo kpalɛ na ɔfa ɔdi gyima wɔ ye ɛbɛlabɔlɛ nu. Saa mgbanyima ne mɔ ɛlɛsuzu awie mɔɔ ɛtɛwiele buluku ne mɔɔ lumua la sukoa anwo a, ɔwɔ kɛ bɛnea boɛ kpalɛ kpalɛ. Saa ɔtɛdwule mɔɔ bɛsɔne awie a, mgbanyima ne mɔ banlea kɛ bɛbava moalɛ mɔɔ hyia la bɛamaa ye amaa yeafɛta kɛ bɛsɔne ye kenlebie.—Nea Organized to Do Jehovah’s Will, mukelɛ 217-218.

[Nvoninli ne anwo edwɛkɛ mɔɔ wɔ mukelɛ 2]

Ɔhyia kɛ menli mɔɔ bɛle fofolɛ la te nɔhalɛ ne abo kpalɛ