ƐZUKOALƐDEƐ 2
Adawubɔlɛ Adenle Zo
2 Kɔlentema 2:17
MƆƆ ƆHYIA KƐ ƐYƐ: Fi ahonle nu tendɛ maa wɔ tievolɛma ɛnwu kɛzi ɛte nganeɛ wɔ bɛ nwo nee edwɛkɛtile ne anwo la.
KƐZI ƐBAYƐ YE LA:
Fa asɔneyɛlɛ siezie ɛ nwo kpalɛ. Yɛ asɔne kpondɛ moalɛ amaa wɔava wɔ adwenle wɔazie wɔ edwɛkɛ ne azo, na tɛ ɛ nwo zo. Maa edwɛkɛ titili ne mɔ mɔɔ ɛkulo kɛ ɛka la ɛdɛnla wɔ adwenle nu. Fa ɛdawɔ mumua ne wɔ edwɛkɛ da adwenle mɔɔ wɔ nu la ali; mmaka mɔɔ wɔhɛlɛ la pɛpɛɛpɛ.
Fi ahonle nu tendɛ. Dwenle deɛmɔti ɔhyia kɛ wɔ tievolɛma ne te edwɛkɛ ne la anwo. Fa wɔ adwenle sie bɛ nwo zo. Akee kɛzi ɛgyinla, kɛzi ɛkeha ɛ nwo, yɛɛ ɛ nyunlu maanle ne bala agɔnwolɛvalɛ mɔɔ vi ahonle nu la ali.
Nea wɔ tievolɛma ne. Nea bɛ nyunlu wɔ mekɛ kpalɛ nu. Saa ɛlɛmaa ɛdendɛlɛ a, nea tievolɛma ne anyunlu ngoko tɛla kɛ ɛbanlea bɛ kɛ ekpunli la.