ƐZUKOALƐDEƐ 15

Fa Anwodozo Tendɛ

1 Tɛsalonaekama 1:5

MƆƆ ƆHYIA KƐ ƐYƐ: Kile kɛ ɛlɛ edwɛkɛ mɔɔ ɛlɛka la anu diedi na eza ɔhyia.

Siezie ɛ nwo kpalɛ. Sukoa wɔ gyimalilɛ ne kpalɛ na nwu kɛzi Ngɛlɛlera ne foa zolɛ la. Bɔ mɔdenle kɛ ɛbava edwɛkɛ agbɔkɛ mɔɔ ɔ bo ɛdelɛ ɛnyɛ se la wɔahilehile wɔ edwɛkɛ titili ne mɔ anu. Fa wɔ adwenle sie kɛzi ɔbaboa wɔ tievolɛma la azo. Yɛ asɔne kpondɛ sunsum nwuanzanwuanza.

Bobɔ wɔ gyimalilɛ ne azo maa ɔvinde ɛ nloa, amaa wɔ edwɛkɛ ne aha wɔ adwenle nu na wɔanyia anyuhɔlɛ.
Fa edwɛkɛ agbɔkɛ mɔɔ kile kɛ ɛlɛ anwodozo la di gyima. Kɛ anrɛɛ ɛbagenga edwɛkɛ mɔɔ bɛhɛlɛ la pɛpɛɛpɛ la, fa ɛdawɔ mumua ne wɔ edwɛkɛ agbɔkɛ di gyima. Kpa edwɛkɛ agbɔkɛ mɔɔ bahile kɛ ɛze mɔɔ ɛlɛka la.
Fi ahonle nu fa anwodozo tendɛ. Fa ɛnelɛ mɔɔ fɛta la tendɛ. Saa ɔfɛta wɔ bɛ ɛkɛ ne a, nea wɔ tievolɛma ne anyunlu.

Anwodozo mɔɔ ɛfa wɔadendɛ la ɛngile kɛ ɛtendɛ kputilii, kyengye, anzɛɛ penyi penyi. Saa ɛlɛfa anwodozo wɔadendɛ bɔbɔ a, bu wɔ tievolɛma ne.