ƐZUKOALƐDEƐ 1

Mukenye Mɔɔ Fɛta

Gyima ne 17:22

MƆƆ ƆHYIA KƐ ƐYƐ: Maa wɔ mukenye ne ɛyɛ anyelielɛ, ɔmaa bɛnwu mɔɔ ɛbaha nwolɛ edwɛkɛ la, na ɔhile deɛmɔti ɔwɔ kɛ wɔ tievolɛma anye die nwo la.

Maa ɔyɛ anyelielɛ. Kpa kpuya, edwɛkɛ, anwubielɛ anzɛɛ amaneɛbɔlɛ bie mɔɔ wɔ tievolɛma anye balie nwolɛ la.

Dimoa dwenle mɔɔ wɔ tievolɛma anye die nwo nee mɔɔ gyegye bɛ la anwo na maa wɔ mukenye edwɛkɛ ne nee ye ɛyia.
Maa bɛnwu mɔɔ ɛbaha nwolɛ edwɛkɛ la. Nea kɛ wɔ mukenye ne bamaa bodane mɔɔ wɔ edwɛkɛ ne gyi zo la anu ala ɛkɛ amaa tievolɛma ne.
Kile deɛmɔti edwɛkɛ ne anwo hyia la. Maa wɔ edwɛkɛ ne ɛvale wɔ tievolɛma ne ngyianlɛ nwo. Ɔwɔ kɛ bɛ nuhua ko biala nwu kɛzi wɔ edwɛkɛ ne bahola aboa ye la.

Saa ɛlɛsiezie wɔ ɛdendɛlɛ ne a, biza ɛ nwo kɛ, ‘tɛnlabelɛ boni a mediema mɔɔ wɔ me asafo ne anu la wɔ nu a?’ Akee maa wɔ mukenye ne ɛvale bɛ ngyianlɛ ne anwo.