FOA 6

Duzu A Yɛsukoa Yɛfi Azuyilɛ Kpole Ne Anu A?

Nyamenle zɛkyele amumuyɛma ne noko ɔliele Nowa nee ye abusua ne. Gyɛnɛsese 7:11, 12, 23

Ɛlɛne ne tulule nzule ne anye, amumuyɛma ne nlomanle, na anwumabɔvolɛma mɔɔ dele atua la gyakyile bɛ sonlabaka ne ɛkɛ

Ezule ne dɔle alehyenlɛ nee aledwolɛ too kenle 40, na ɔyile ɔvale azɛlɛ ye azo amuala. Amumuyɛma ne amuala wule.

Anwumabɔvolɛma mɔɔ dele atua la gyakyile bɛ sonlabaka ne ɛkɛ na bɛhakyile sunsum ɛtane.

Nowa, ye abusua ne, nee nane ne mɔ vi ɛlɛne ne anu vindele na nyangondonle vindele anwomanyunlu

Menli mɔɔ wɔ ɛlɛne ne anu la nyianle ngoane. Nzinlii, Nowa nee ye abusua ne wule ɛdeɛ, noko Nyamenle bamaa bɛazia bɛara ngoane nu bieko na bɛadɛnla aze dahuu.

Nyamenle bazɛkye amumuyɛma na yealie tenlenema ngoane bieko. Mateyu 24:37-39

Seetan nee ye sunsum ɛtane ne mɔ dua ndenle ngakyile zo bɛlɛbɛla menli

Seetan nee sunsum ɛtane ne mɔ ɛlɛkɔ zo abɛlɛbɛla menli.

Kɛ mɔɔ ɛnee ɔde wɔ Nowa mekɛ zo la, ɛnɛ, menli dɔɔnwo kpo Gyihova adehilelɛ mɔɔ ɛlɔlɛ wɔ nu la. Ɔnrɛhyɛ Gyihova bazɛkye ɛtanevolɛma kɔsɔɔti.—2 Pita 2:5, 6.

Gyihova Alasevolɛ ɛlɛfa Baebolo ne ahilehile nrenyia bie; nrenyia bie ɛlɛkenga Baebolo

Menli bie mɔ le kɛ Nowa la. Bɛtie Nyamenle na bɛyɛ mɔɔ ɔka la; bɛmɛ a le Gyihova Alasevolɛ.