FOA 5

Azuyilɛ Kpole Ne—Nwane Mɔ A Diele A? Nwane Mɔ A Andie A?

Menli dɔɔnwo yɛle ɛtane wɔ Nowa mekɛ zo. Gyɛnɛsese 6:5

Anwumabɔvolɛma atisesebɛ mɔɔ hakyile bɛ nwo mrenyia la ravale mraalɛ

Adam nee Yive wole mralɛ, na menli yɛle dɔɔnwo wɔ azɛlɛ ye azo. Nzinlii, anwumabɔvolɛ bie mɔ hɔbokale Seetan anwo bɛdele atua.

Bɛhakyile bɛ nwo mrenyia bɛrale azɛlɛ ye azo bɛragyale mraalɛ. Mraalɛ ne mɔ wole ngakula mrenyia mbelane ndendenle mɔɔ bɛ nwo yɛ se na bɛ ti yɛ se kpalɛ la.

Raalɛ bie lɛ adɔma wɔ ɔ sa zo yɛɛ kakula nrenyia bie ɛlɛbɔ ye; Nɛfelem ne mɔ, anwumabɔvolɛ atisesebɛma ne mɔ amra mrenyia ne mɔ yɛle amumuyɛ

Menli mɔɔ yɛ ninyɛndane la bule ewiade. Baebolo ne ka kɛ “sonla amumuyɛyɛlɛ ne ɛyɛ kpole wɔ azɛlɛ ne azo, yɛɛ ye ahonle nu nzuzulɛ biala le ɛtane mekɛ kɔsɔɔti.”

Nowa diele Nyamenle na ɔbobɔle ɛlɛne. Gyɛnɛsese 6:13, 14, 18, 19, 22

Ɛnee Nowa le sonlakpalɛ. Gyihova zele Nowa kɛ ɔbava azuyilɛ kpole yeazɛkye ɛtanevolɛma.

Eza Nyamenle hanle hilele Nowa kɛ ɔbobɔ ɛlɛne kpole bie, mɔɔ bɛfɛlɛ ye ɛlɛka la, na ɔva ye abusua ne nee nane biala bie ɔhɔ nu.

Nowa bɔle menli kɔkɔ wɔ Azuyilɛ ne mɔɔ ɛlɛba la anwo noko bɛzelele ye

Nowa bɔle menli kɔkɔ wɔ Azuyilɛ ne mɔɔ ɛlɛba la anwo, noko bɛandie. Bie mɔ zelele Nowa; bie mɔ noko kpɔle ye.

Nowa nee ye abusua ne vale nane ne mɔ hɔle ɛlɛne ne anu

Mekɛ mɔɔ bɛbobɔle ɛlɛne ne bɛwiele la, Nowa vale nane ne mɔ hɔle nu.