Kɛzi Yɛtie Nyamenle Ɛ?

Nyamenle dua Baebolo ne azo tendɛ kile yɛ. 2 Timote 3:16

Nɔhalɛ Nyamenle ne maanle menli hɛlɛle ye edwɛkɛ ne wɔ buluku nwuanzanwuanza bie anu. Zɔhane buluku ne a le Baebolo ne. Edwɛkɛ mɔɔ anwo hyia mɔɔ Nyamenle kpondɛ kɛ ɛte la a wɔ nu a.

Nyamenle ze mɔɔ le kpalɛ maa yɛ la yɛɛ ye ɛkɛ ne a nrɛlɛbɛ kɔsɔɔti vi a. Saa ɛtie ye a, ɛbanwu nrɛlɛbɛ kpalɛ.​—Mrɛlɛbulɛ 1:5.

Nyamenle kpondɛ kɛ awie ko biala mɔɔ wɔ azɛlɛ ye azo la kenga Baebolo ne. Ɛnɛ, bɛhile ɔ bo bɛhɔ aneɛ dɔɔnwo anu.

Saa ɛkulo kɛ ɛtie Nyamenle a, ɔwɔ kɛ ɛkenga Baebolo ne na ɛte ɔ bo.

Menli ɛlɛtie Nyamenle edwɛkɛ ne wɔ ɛleka biala. Mateyu 28:19

Gyihova Alasevolɛ bahola aboa wɔ bɛamaa wɔade Baebolo ne abo.

Bɛkilehile Nyamenle anwo nɔhalɛ ne wɔ azɛlɛ ye kɔsɔɔti azo.

Bɛnrɛlie wɔ ezukoa na bɛahilehile wɔ. Eza ɛbahola wɔazukoa Nyamenle anwo debie wɔ Gyihova Alasevolɛ Belemgbunlililɛ Asalo mɔɔ bikye wɔ la anu.