Nɔhalɛ Nyamenle Ne A Le Nwane?

Nɔhalɛ Nyamenle kokye a wɔ ɛkɛ a, ye duma a le Gyihova. (Edwɛne 83:18) Ɔle Sunsum; yɛngola yɛnnwu ye. Ɔkulo yɛ na ɔkpondɛ kɛ yɛdayɛ noko yɛkulo ye. Eza ɔkpondɛ kɛ yɛkulo awie mɔ. (Mateyu 22:35-40) Ɔle Tumivolɛ Bedevinli, ninyɛne kɔsɔɔti Bɔvolɛ.

Nyamenle abɔdeɛ mɔɔ limoa la noko le sunsum mɔɔ lɛ tumi; nzinlii bɛvɛlɛle ye Gyisɛse Kelaese. Gyihova eza bɔle anwumabɔvolɛma.

Gyihova a bɔle debie biala mɔɔ wɔ anwuma . . . nee aze a. Yekile 4:11

Gyihova Nyamenle bɔle nwɔlɔra, azɛlɛ ye nee ninyɛne mɔɔ wɔ zolɛ la kɔsɔɔti.​—Gyɛnɛsese 1:1.

Ɔvale azɛlɛ nwo ndɛtɛlɛ ɔbɔle Adam, sonla ne mɔɔ limoa la.​—Gyɛnɛsese 2:7.