Ɛbɛlabɔlɛ Bodane A Le Boni?

Baebolo ne bua kɛ

Yɛbahola yɛabiza kpuya mɔɔ fale ɛbɛlabɔlɛ bodane nwo la wɔ ndenle ngakyile zo, le kɛ, ‘Duzu ati a yɛwɔ ɛke a? anzɛɛ Asoo me ɛbɛlabɔlɛ lɛ bodane ɔ? Baebolo ne maa yɛnwu ye kɛ bodane mɔɔ yɛ ɛbɛlabɔlɛ gyi zo la a le kɛ yɛ nee Nyamenle banyia agɔnwolɛvalɛ. Suzu Baebolo nu nɔhalɛ ɛhye mɔ bie anwo.

• Nyamenle le yɛ Bɔvolɛ. Baebolo ne ka kɛ: ‘Nyamenle a bɔle yɛ a, yɛɛ yɛle ye ɛdeɛ.’​—Edwɛndolɛ 100:3; Yekile 4:11.

• Nyamenle lɛ bodane maa debie biala mɔɔ yɛbɔ mɔɔ yɛboka nwo la.​—Ayezaya 45:18.

• Nyamenle bɔle yɛ mɔɔ yɛlɛ “sunsum nu ngyianlɛ” na ɛhye maa yɛnyia ɛhulolɛ kɛ yɛbanyia ɛbɛlabɔlɛ mɔɔ gyi bodane zo. (Mateyu 5:3) Ɔkulo kɛ yɛdi ɛhulolɛ zɔhane anwo gyima.​—Edwɛndolɛ 145:16.

• Yɛ nee Nyamenle nyia agɔnwolɛvalɛ a ɔmaa yɛnyia yɛ sunsum nu ngyianlɛ. Menli dɔɔnwo te nganeɛ kɛ ɔyɛ se kɛ bɛbayɛ Nyamenle agɔnwo noko Baebolo ne maa yɛ anwosesebɛ kɛ: “Bɛhwe bɛbikye Nyamenle, na ɔdaye noko ɔkɛbikye bɛ.”​—Gyemise 4:8; 2:23.

• Saa yɛbayɛ Nyamenle agɔnwo a, ɔwɔ kɛ yɛmaa yɛ ɛbɛlabɔlɛ nee bodane mɔɔ ɔlɛ ɔmaa yɛ la yɛ ko. Baebolo ne ka bodane ɛhye anwo edwɛkɛ wɔ Nolobɔvo ne 12:13 kɛ: “Bɛzulo Nyamenle, na bɛli ye mɛla ne mɔ azo, ɔboalekɛ sonla gyima mɔɔ la ɔ nwo zo la ala ɛne.”

• Kenle bie saa Nyamenle ye amaneɛnwunlɛ fi ɛkɛ na ɔmaa ɔ gɔnwo mɔ mɔɔ sonle ye la dahuu ngoane a, yɛbanwu bodane mɔɔ ɔlɛ ɔmaa yɛ la kpalɛ.​—Edwɛndolɛ 37:10, 11.