Asoo Gyisɛse A Le Nyamenle Tumivolɛ Bedevinli Ne?

Baebolo ne bua kɛ

Menli mɔɔ dwazo tia Gyisɛse la dole ye ɛzonle kɛ ɔyɛ ɔ nwo kɛ ɔ nee Nyamenle bɛsɛ. (Dwɔn 5:18; 10:30-33) Noko, Gyisɛse anga ye ɛlɛ kɛ ɔ nee Nyamenle Tumivolɛ Bedevinli ne sɛ. Ɔhanle kɛ: “Selɛ ne le kpole tɛla me.”​—Dwɔn 14:28.

Gyisɛse ɛdoavolɛma mɔɔ limoa la ambu ye kɛ ɔ nee Nyamenle Tumivolɛ Bedevinli ne sɛ. Kɛ neazo la, ɛzoanvolɛ Pɔɔlo hɛlɛle kɛ mekɛ mɔɔ bɛdwazole Gyisɛse la, Nyamenle “kpogyale ye [Gyisɛse] zo na ɔmaanle ye dibilɛ kpole kpalɛ.” Ɔda ali kɛ Pɔɔlo anlie anli kɛ Gyisɛse a le Nyamenle Tumivolɛ Bedevinli ne a. Anrɛɛ kɛ ɔkɛyɛ na Nyamenle akpogya Gyisɛse zo na yeamaa ye dibilɛ kpole kpalɛ ɛ?—Felepaema 2:9.