Asoo Nyamenle Duma A Le Gyisɛse?

Baebolo ne bua kɛ

Gyisɛse vɛlɛle ɔ nwo “Nyamenle Ara.” (Dwɔn 10:36) Gyisɛse anga ye ɛlɛ kɛ ɔle Nyamenle Tumivolɛ Bedevinli.

Bieko, Gyisɛse vale ye asɔneyɛlɛ dole Nyamenle anyunlu. (Mateyu 26:39) Yɛɛ mekɛ mɔɔ Gyisɛse ɛlɛkile ye ɛdoavolɛma ne asɔneyɛlɛ la, ɔhanle kɛ: “Yɛ Ze mɔɔ wɔ anwuma, wɔ duma nwo ɛde.”​—Mateyu 6:9.

Gyisɛse lale Nyamenle duma ali wɔ mekɛ mɔɔ ɔhanle tete edwɛkɛ ɛhye mɔɔ wɔ Ngɛlɛlera ne anu la: “O Yizilayɛ, tie, Gyihova yɛ Nyamenle ne le Gyihova kokye.”​—Maake 12:29; Mɛla ne 6:4.