Ninyɛne Mɔɔ Ɛbanwu Bɛ Wɔ Wɛbsaete Ne Azo La
Kpondɛ Edwɛkɛ Mɔɔ Ɛvinde Jw.org Mɔlebɛbo Ne La
Yɛ mediema dɔɔnwo fa edwɛkɛ mɔɔ ɛbuke jw.org a ɔwɔ mɔlebɛbo ne la di gyima wɔ daselɛlilɛ nu. Ɔnyɛ se fee kɛ ɛbava wɔanwa awie, yɛɛ bɛta bɛkilehile kɛzi edwɛkɛ mɔɔ ɛlɛsisi kenlensa ye la maa Baebolo ngapezo ba nu la anu. Adiema nrenyia ko hɛlɛle kɛ, edwɛkɛ mɔɔ ɛbuke jw.org a ɛnwu ye wɔ ɔ nyunlu ɛkɛ ne la a “yɛhyia nwolɛ kpalɛ kɛkala wɔ yɛ daselɛlilɛ gyima ne anu a.”
Noko bɛta bɛfa edwɛkɛ fofolɛ bɛgua ɛkɛ, ɔti kɛ ɔkɛyɛ na wɔanwu edwɛkɛ mɔɔ ɔnvinde mɔlebɛbo ɛkɛ ne bieko la ɛ?
Saa ɛbuke jw.org a, tinli “Dɔɔnwo Wɔ Ɛke” mɔɔ wɔ “Mɔɔ Wɔ Ɛke” fema zo la azo. Ɔbava wɔ yeahɔ “Bɛvale Bɛguale Mɔlebɛbo Foa Ne Kenlensa Ye,” ɛleka mɔɔ ɛbanwu edwɛkɛ mɔɔ ɛra kenlensa ye la dɔɔnwo la.
Wɔ jw.org azo, kɔ “Ninyɛnezielɛleka,” akee kɔ “Edwɛkɛ Mɔɔ Ba Toɔdoa Zo,” na akee kɔ “Edwɛkɛtile Ngakyile.” Eza wɔ JW Library® azo, kɔ “Library,” akee kɔ “Article Series,” na akee kɔ “Edwɛkɛtile Ngakyile.” Edwɛkɛ mɔɔ bɛlimoale bɛvale bɛguale ɔ nyunlu ɛkɛ ne la anu dɔɔnwo a wɔ ɛke a.