Asoo Ɛlɛfa Baebolo Ne Mɔɔ Bɛyɛ Ye Ɔdio La Wɔali Gyima Kpalɛ Ɔ?

Duzu a le Baebolo ne mɔɔ bɛyɛ ye ɔdio la? Yemɔ a le Ewiade Fofolɛ Ngilebɛbo fofolɛ ne mɔɔ bɛgenga na bɛhye la. Bɛlɛye ye ngyikyingyikyi wɔ aneɛ dɔɔnwo anu. Anyelielɛ edwɛkɛ ko mɔɔ wɔ nwo la a le kɛ bɛmaanle menli ngakyile gengale Baebolo ne anu sonla ko biala edwɛkɛ. Bɛvale ɛnelɛ nee nganeɛdelɛ mɔɔ ɔfɛta la bɛgengale edwɛkɛ ne pɛpɛɛpɛ.

Kɛzi bie mɔ ɛlɛnyia zolɛ nvasoɛ ɛ? Edwɛkɛ ne ka menli mɔɔ ta bɔ tie la ahonle. Saa bɛtie ɛnelɛ ngakyile mɔɔ bɛvale bɛgengale la a, ɔmaa bɛkola bɛpɛ edwɛkɛ mɔɔ sisile la nvoninli na yemɔ maa bɛte edwɛkɛ ne abo kpalɛ. (Mrɛ 4:5) Bie mɔ noko ɛnwu ye kɛ saa adwenleadwenle tɔ bɛ nwo na bɛbɔ bɛtie a ɔmaa bɛ ahonle tɔ bɛ azule nu.​—Ed 94:19.

Saa yɛtie Nyamenle Edwɛkɛ ne mɔɔ bɛgenga la a, ɔkola ɔnyia yɛ ɛbɛlabɔlɛ zo tumi kpole kpalɛ. (2Ek 34:19-21) Saa ɛlɛ Baebolo ne mɔɔ bɛyɛ ye ɔdio la amuala anzɛɛ ye foa bie wɔ aneɛ mɔɔ ɛte la anu a, ɛbahola wɔayɛ ngyehyɛleɛ wɔabɔ wɔadie ye alehyenlɛ biala ɔ?

NEA KƐZI BƐYƐ ƆDIO BAEBOLO NE LA​—FOA BIE VIDIO NE NA BUA KPUYA ƐHYE:

Duzu a ɛ nye die nwo wɔ kɛzi bɛyɛle ɔdio Baebolo ne la anwo a?