Bɔ Ewiade Fofolɛ Mɔɔ Ɔnrɛhyɛ Na Yeara La Anwo Nolo!

Wɔ November, yɛbayɛ biala mɔɔ yɛbahola la yɛabɔ ewiade fofolɛ ne mɔɔ ɔlɛba la anwo nolo. (Ed 37:10, 11; Ye 21:3-5) Yɛ ngyehyɛleɛ mɔɔ baboa wɔ yeamaa wɔava ɛ nwo wɔawula nolobɔlɛ ɛhye anu la. Saa ɛkulo kɛ ɛsonle kɛ adekpakyelɛ boavolɛ a, ɛbahola wɔava dɔnehwele 30 anzɛɛ 50 wɔali daselɛ.

Siezie ɛ nwo kɛ ɛbaha ngɛlɛlera mɔɔ fale ewiade fofolɛ ne anwo la anwo edwɛkɛ wɔahile menli dɔɔnwo. Kpa ngɛlɛlera mɔɔ wɔ azɛlɛsinli ne anu amra anye balie nwo la. Saa awie kile nwolɛ anyelielɛ wɔ ɛkpɔlalɛ mɔɔ limoa la anu a, fa The Watchtower No. 2 2021 maanlema ɛdeɛ ne ko maa ye. Akee yɛ ye ndɛ sia kɔkpɔla ye na bɔ mɔdenle kɛ ɛ nee ye babɔ Baebolo ɛzukoalɛ bo wɔ Nyia Anyelielɛ Dahuu! brohyua ne anu. Nea kɛzi ɔyɛ anyelielɛ kɛ ɛbabɔ “debie kpalɛ” mɔɔ ɛlɛba la anwo nolo a!—Ay 52:7.

NEA EWIADE FOFOLƐ NE MƆƆ ƆNRƐHYƐ NA YEARA EDWƐNE GYƐNE VIDIO NE NA BUA KPUYA ƐHYE MƆ:

• Kenle bie mɔɔ yɛ anyelielɛ la boni a kakula ne ɛlɛdwenle nwo a?

• Duzu a ɛ nye la ye ade wɔ ewiade fofolɛ ne anu a?

• Kɛzi wɔ anyelazo mɔɔ ɛbadwenledwenle nwo la baboa wɔ yeamaa wɔava ɛ nwo wɔawula November nolobɔlɛ titili ne anu a?—Lu 6:45.