YƐ DASELƐLILƐ GYIMA NE KPALƐ | MAA ANYELIELƐ MƆƆ ƐLƐ YE WƆ ƐZONLENLƐ GYIMA NE ANWO LA ƐYƐ KPOLE
Kpondɛ Moalɛ Fi Ɛ Mediema Ɛkɛ
Gyihova dua yɛ “mediema mɔɔ wɔ ewiade amuala la” anwo zo boa yɛ. (1Pi 5:9) Bɛboa yɛ bɛmaa yɛdi ngyegyelɛ mɔɔ yɛyia bɛ wɔ daselɛlilɛ nu la azo. Kɛ neazo la, Akoyela nee Pelesela, Saelase, Timote nee awie mɔ gyɛne boale ɛzoanvolɛ Pɔɔlo.—Gyi 18:1-5.
Kɛzi mediema bahola aboa wɔ wɔ daselɛlilɛ nu ɛ? Bɛbahola bɛaboa wɔ bamaa wɔali edwɛkɛ mɔɔ bɛfa bɛpɛ adawubɔlɛ zo la anwo gyima, wɔayɛ sia kɔkpɔla anzɛɛ Baebolo ɛzukoalɛ. Nea wɔ asafo ne anu kɛ nwane a bahola aboa wɔ a, na biza ye. Kpolerazulɛ biala ɛnle nwolɛ kɛ, bɛ mu nwiɔ bɛ nye balie kpalɛ na bɛanyia nvasoɛ.—Fe 1:25.
NEA NYIA FƐLƐKOLILƐ NE MƆƆ ƐDOAVOLƐYƐLƐ GYIMA NE FA BA LA BIE—DIE GYIHOVA MOALƐ TO NU —YƐ MEDIEMA VIDIO NE NA BUA KPUYA ƐHYE MƆ:
Kɛzi Manzakyi bɔle mɔdenle maanle Rose anwosesebɛ kɛ ɔrɛla debiezukoalɛ ɛ?
Duzu ati a ɔle kpalɛ kɛ yɛ nee nolobɔlɛma gyɛne bahɔyɛ Baebolo ɛzukoalɛ a?
Asafo ne anu amra amuala a boa maa awie yɛ ɛdoavolɛ a
Duzu a ɛnee Rose nee Nana Akuba anye die nwo a?
Daselɛlilɛ gyima ne afoa boni a mediema bahola aboa wɔ bɛamaa wɔanyia anyuhɔlɛ wɔ nu ɛ?