Dua Asɔneyɛlɛ Zo Die Gyihova Moalɛ To Nu

Gyihova a maa nɔhalɛ ma ne sɔ ndinli na ɔnyi wɔ awie ahonle nu a. (1Kɔ 3:6-9) Ɔti saa yɛ daselɛlilɛ gyima ne bazo ma a, ɔwɔ kɛ yɛfa yɛ nwo yɛto Gyihova anwo zo na yɛsɛlɛ ye kɛ ɔboa yɛ nee yɛ Baebolo sukoavoma.

Sɛlɛ Gyihova kɛ ɔboa wɔ Baebolo sukoavoma ɔmaa bɛli bɛ ngyegyelɛ ngakyile ne mɔ anwo gyima. (Fe 1:9, 10) Biza debie fɔɔnwo wɔ asɔneyɛlɛ nu. Sɛlɛ Gyihova kɛ ɔva ye sunsum nwuanzanwuanza ne ɔbɔ wɔ adwenle nzuzulɛ nee wɔ nyɛleɛ nwo bane. (Lu 11:13) Kilehile wɔ Baebolo sukoavoma kɛzi bɛyɛ asɔne la na maa bɛ anwosesebɛ maa bɛyɛ asɔne. Bɔ bɛ duma wɔ mekɛ mɔɔ ɛ nee bɛ ɛlɛbɔ nu ayɛ asɔne nee mekɛ mɔɔ ɛdawɔ mumua ne ɛlɛyɛ bie wɔamaa bɛ la.

NEA NYIA FƐLƐKOLILƐ NE MƆƆ ƐDOAVOLƐYƐLƐ GYIMA NE FA BA LA BIE​—DIE GYIHOVA MOALƐ TO NU​—ASƆNEYƐLƐ VIDIO NE NA BUA KPUYA ƐHYE MƆ:

• Ngyegyelɛ boni a Manzakyi yiale wɔ mekɛ mɔɔ ɔ nee Rose ɛlɛsukoa debie la ɛ?

• Kɛzi 1 Kɔlentema 3:6 boale Manzakyi ɛ?

• Kɛzi Manzakyi lile ye ngyegyelɛ ne anwo gyima ɛ?