Boa Baebolo Sukoavoma Maa Bɛli Subane Ɛtane Zo Konim

Menli mɔɔ anwo te wɔ ɛbɛlabɔlɛ nu la ala a kola nee Gyihova nyia agɔnwolɛvalɛ kyengye a. (1Pi 1:14-16) Saa Baebolo sukoavoma di subane ɛtane zo konim a, ɔbaboa bɛ wɔ bɛ abusua, bɛ kpɔkɛdelɛ nee bɛ ezukoa afoa nu noko.

Kilehile Gyihova ɛbɛlabɔlɛ nwo ngyinlazo ne anu wienyi kile bɛ na maa bɛnwu deɛmɔti Gyihova ɛva ngyinlazo ɛhye mɔ ɛmaa nee nvasoɛ mɔɔ saa bɛfa bɛyɛ gyima a bɛbanyia ye la. Fa sie ɛ nye zo kɛ ɛbaboa wɔ sukoavoma wɔamaa bɛahakyi bɛ nzuzulɛ na ɛhye bamaa bɛahola bɛayɛ Gyihova ɛhulolɛdeɛ. (Ɛf 4:22-24) Maa bɛnyia anwodozo kɛ ɔlua Gyihova moalɛ zo bɛbahola bɛagyakyi subane ɛtane biala mɔɔ ɛha bɛ nwo la. (Fe 4:13) Kilehile bɛ maa bɛyɛ asɔne wɔ mekɛ mɔɔ bɛkɛde nganeɛ kɛ bɛyɛ ɛtane bie la. Boa bɛ maa bɛnwu tɛnlabelɛ mɔɔ ɔbamaa yeayɛ se yeamaa bɛ kɛ ɔwɔ kɛ bɛyɛ mɔɔ tenrɛ la na bɛhwe bɛ nwo bɛvi nwo. Maa bɛ anwosesebɛ maa bɛva ninyɛne mɔɔ nvasoɛ wɔ zo la bɛzie ninyɛne mɔɔ anwo ɛnde la agyakɛ anu. Saa ɛnwu ye kɛ wɔ Baebolo sukoavoma ɛhola ɛyɛ nzenzaleɛ ɔlua Gyihova moalɛ zo a, wɔ anyelielɛ bayɛ kpole.

NEA BOA WƆ BAEBOLO SUKOAVOMA MAA BƐLI SUBANE ƐTANE ZO KONIM VIDIO NE NA BUA KPUYA ƐHYE MƆ:

• 

  Kɛzi mgbanyima ne mɔ nee Manzakyi lale ye ali kɛ bɛlɛ anwodozo wɔ Rose anu ɛ?

• 

  Kɛzi Manzakyi hɔle zo boale Rose ɛ?

• 

  Adenle boni azo a Rose kpondɛle moalɛ vile Gyihova ɛkɛ a?