Adekpakyelɛma Ye Gyihova Ayɛlɛ

Ɛnee Yizilayɛma lɛ ndelebɛbo kpalɛ mɔɔ ɔti ɔwɔ kɛ bɛye Gyihova ayɛlɛ a. Ɔyele bɛ ɔvile Yigyibiti na ɔliele bɛ ɔvile Falo asa anu! (Ɛzɛ 15:1, 2) Gyihova da ye kpalɛyɛlɛ ne ali kile ye azonvolɛ ɛnɛ noko. Duzu a yɛbayɛ yɛahile nwolɛ anyezɔlɛ a?​—Ed 116:12.

Adenle ko a le kɛ ɛbayɛ adekpakyelɛ boavolɛ anzɛɛ dahuu adekpakyelɛ. Ɛbahola wɔayɛ asɔne, amaa wɔanyia ɛhulolɛ ne wɔazonle kɛ adekpakyelɛnli. (Fe 2:13) Bie mɔ yɛ adekpakyelɛ boavolɛ fa bɔ ɔ bo. Wɔ March nee April yɛɛ maangyebakyi zo neavolɛ ɛkpɔlalɛ mekɛ ne, ɛbahola wɔava dɔnehwele 30 anzɛɛ 50 wɔayɛ adekpakyelɛ boavolɛ. Anyelielɛ mɔɔ ɛbanyia ye wɔ adekpakyelɛ boavolɛ gyima ne anu la bamaa wɔanyia ɛhulolɛ wɔayɛ dahuu adekpakyelɛ. Mediema mɔɔ fa bɛ mekɛ muala yɛ gyima anzɛɛ bɛ kpɔkɛdelɛ ɛnle kpalɛ bɔbɔ la ɛhola ɛyɛ adekpakyelɛma. (mwb16.07 8) Ɔle nɔhalɛ bɔkɔɔ kɛ, Gyihova fɛta mɔdenle biala mɔɔ yɛbɔ yɛye ye ayɛlɛ la!​—1Ek 16:25.

NEA MEDIEMA MRAALƐ NSA MƆƆ BƐVI MONGOLIA VIDIO NE NA BUA KPUYA ƐHYE MƆ:

• 

  Ngyegyelɛ boni a mediema mraalɛ nsa ne lile zo kolaa na bɛahola bɛazonle kɛ adekpakyelɛma ɛ?

• 

  Nyilalɛ boni a bɛnyia a?

• 

  Bɛbɔle adekpakyelɛ bo la, ɛzonlenlɛ nwo adenle boni mɔ a bɛnyianle ye nzinlii a?

• 

  Kɛzi bɛ neazo ne ɛboa awie mɔ ɛ?